सिन्धुली । बुधबारदेखि तेस्रो एनप्याब्सन स्पोर्टस मिट सुरु २०८१ सिन्धुलीमाढीमा सुरु भएको छ । माघ १९ गतेसम्म चल्ने उक्त खेलकुदको आयोजना राष्ट्रिय नीजि तथा आवासीय विद्यालय यशोसियसन नेपाल (नेशनल प्याब्सन) सिन्धुलीको आयोजनामा सुरु भएको हो ।
खेल उद्घाटन म्यारथन दौडबाट भएको थियो । म्यारथन दौडको उद्घाटन नेशनल प्याब्सनका केन्द्रीय सचिव कृष्णकुमार उप्रेतीले रिबन काटेर गरेका थिए ।
खेलकुद प्रतियोगिताको पहिलो दिन म्यारथन दौड, प्रभातफेरी र जुनियरतर्फको सबै खेलहरु सम्पन्न भएका छन । दोस्रो दिन मिडलतर्फको खेलहरु लगायत भलिबल र तेस्रो दिन सिनियर तर्फको खेलहरु र भलिबलको फाइनल खेल हुनेछन ।
अन्तिम दिन १९ गते प्रतियोगिताका विजेताहरुलाई पुरस्कार, प्रमाणपत्र वितरण गरी समापन गरिनेछ । प्रतियोगितामा नेशनल प्याब्सन सिन्धुलीमा आवद्ध २५ विद्यालयको सहभागिता रहेको एनप्याब्सन सिन्धुलीका अध्यक्ष सोनाम बज्यूले बताएका छन ।
