सिन्धुली । भन्सार छली गरेर ल्याएको ८ सय किलो प्याज प्रहरीले भिमानबाट नियन्त्रणमा लिएको छ । वि.पि. राजमार्ग अन्तर्गत कमलामाई नगरपालिका वडा नं. ९ भिमानमा चेकजाँच गर्ने क्रममा विल विजक नभएको भन्सार छलेर ल्याएको प्याज बरामद गरिएको जिल्ला प्रहरी कार्यालय सिन्धुलीले जनाएको छ ।
बर्दिबासबाट काठमान्डौंतर्फ जाँदै गरेको प्रदेश २–०२–००१ च ०३९३ नंम्बरको पिकअप गाडीमा ल्याउँदै गरेको ३२ क्यारेट अर्थात ८ सय किलो प्याज बरामद गरिएको डिएसपी अनिल कुमार खड्काले बताए ।
गाडी र गाडी चालक महोत्तरी बर्दिबास नगरपालिका वडा नं.४ का २२ बर्षिय विजय मण्डललाई प्रहरीले नियन्त्रणमा लिएको खड्काले बताए ।
Advertisement. Scroll to continue reading.
फेसबुक मार्फत प्रतिकिया दिनुहोला
