सिन्धुली । कमलामाई नगरपालिकाले अन्तराष्ट्रिय महिला दिवसको अवसरमा अटोचालक महिला र सफल महिला उद्यमीहरुलाई सम्मान गरेको छ । शुक्रबार आठ मार्चको अवसरमा कमलामाई नगरपालिकाद्वारा आयोजित कार्यक्रममा उनीहरुलाई सम्मान गरिएको हो ।
सम्मानित हुनेमा २३ जना अटो चालक महिला र ६ जना महिला उद्यमी सम्मानित भएका हुन ।
सम्मानित हुने महिला उद्यमीहरुमा बिमला कुमारी काफ्ले (प्रोपाईटर कोशेली डेरी उद्योग प्रा.लि), बेलीमाया गिनेल (मरिण ढाका उद्योग), निर्मला परियार (कालीमाई नमुना गार्मेन्ट उद्योग), बिमला थापा (सौगात लघु उद्यम सहकारी संस्था लि. सिन्धुली), लुंगेलीटार ढाका उद्योग कनपा ७ सिन्धुली रहेका छन । यस्तै क्रियाशिल पत्रकार महिला सिन्धुलीलाई पनि कार्यक्रममा सम्मान गरिएको छ । ६ वटा संस्थालाई प्रमाणपत्र र दोसल्लाले सम्मान गरिएको हो ।
यस्तै सम्मानित हुने अटोचालकहरुमा जानुका गौतम, सरिता सुनुवार, शुशिला कुमारी भुजेल, विनिता न्यौपाने देवकोटा, जानुका कुँवर, सीता गौतम, अस्मिता तामाङ, पम्फा जोगी, सुनिता तामाङ, बिमला तामाङ, शुसिला बस्नेत, अमुना कार्की, मनिका लुंगेली मगर, गीता कुमारी श्रेष्ठ, पवित्रा पहाडी, कमला खड्का, रमा कार्की, अप्सरा फुयाँल, कान्छीमाया बम्जन, सुनमाया डिम्दोङ, टिकामाया श्रेष्ठ रहेका छन ।
उनीहरुलाई नगद एक हजार रुपैंया, दोसल्ला र प्रमाणपत्रले सम्मान गरिएको छ । कमलामाई नगरपालिकामा उपप्रमुख मञ्जु देवकोटाको अध्यक्षतामा भएको कार्यक्रममा कमलामाई नगरपालिकामा क्रियाशिल संघसंस्थाहरु, विभिन्न दलका जनवर्गिय संगठनका प्रमुख एवम् प्रतिनिधि, राजनीतिक दलका महिला नेता, कर्मचारी, पत्रकार, जनप्रतिनिधि लगाएतको सहभागिता रहेको थियो ।
सम्मान कार्यक्रममा आठ मार्चको इतिहास, सान्दर्भिकता, महिलाका आर्थिक, राजनीतिक सामाजिक अधिकारका सवालहरुमा महिला नेताहरुले बहस गरेका थिए ।
