सिन्धुली । अखिल नेपाल महिला संघ सिन्धुलीले आठ मार्च अर्थात ११४ औं अन्तर्राष्ट्रिय श्रमिक महिला दिवसका अवसरमा संगठनका अगुवा नेता तथा जनप्रतिनिधिहरुलाई प्रशिक्षण दिएको छ ।
विहिबार सिन्धुलीमाढीमा भएको प्रशिक्षण कार्यक्रममा अनेमसंघ सिन्धुलीका अध्यक्ष पार्वती भट्टराईले राजनीतिमा महिला सहभागिता, इतिहास र वर्तमान अवस्थाका विषयमा प्रशिक्षण दिएकी छिन ।
अनेमसंघ सिन्धुलीका अध्यक्ष पार्वती भट्राईको अध्यक्षता तथा अखिल नेपाल महिला संघ केन्द्रीय सदस्य मिथिला फुयाँलको प्रमुख आतिथ्यतामा उक्त प्रशिक्षण भएको हो । प्रशिक्षणमा जिल्ला स्तरका महिला नेताहरुको सहभागिता रहेको थियो ।
प्रशिक्षण कार्यक्रममा महिला अगुवा नेताहरुले श्रम र महिला अधिकार स्थापित गर्नका लागि महिलाहरु एकतावद्ध भएर अगाडि बढ्नुपर्ने बताएका छन । उनीहरुले भएका उपलब्धीलाई संरक्षण गर्दै थप उपलब्धी हासिल गर्न महिलाहरु एकतावद्ध हुनुपर्ने बताए ।
कार्यक्रममा नेकपा एमालेका केन्द्रीय नेताहरु, प्रदेश कमिटीका नेताहरु, जिल्ला कमिटीका नेताहरु, अखिल नेपाल महिला संघका जिल्ला तथा पालिका स्तरका महिला नेताहरु र जनप्रतिनिधि महिलाहरुको सहभागिता रहेको थियो ।
