सिन्धुली । दुधौली नगरपालिका वडा नं. १४ को धनसारमा खेत खन्ने क्रममा कोदालोले हानेर श्रीमानले श्रीमतीको हत्या गरेका छन । बुधबार विहान साढे दश बजेतिर घरबाट करिब एक किलोमिटर नजिक रहेको खेत खन्ने क्रममा श्रीमानले श्रीमतिलाई कोदालोले टाउकोमा हानेर हत्या गरेका हुन ।
श्रीमानले कोदालोले हानेपछि दुधौली नगरपालिका वडा नं. १४ की ३५ वर्षिय चेतकुमारी वि.क.को ज्यान गएको प्रहरीले जनाएको छ ।
श्रीमानले श्रीमतिको टाउकोमा कोदालो प्रहार गरि हत्या गरेको पाईएको जिल्ला प्रहरी कार्यालय सिन्धुलीले जनाएको छ । श्रीमतिको हत्या गरेको आरोपमा श्रीमान ३५ वर्षिय वुद्ध बहादुर वि.क घटनास्थलबाटै पक्राउ गरिएको जिल्ला प्रहरी कार्यालय सिन्धुलीका डिएसपी चिरञ्जीवी दाहालले बताए ।
उनका अनुसार कोदालो प्रहारबाट चेतकुमारीको घटनास्थलमा नै मृत्यु भएको थियो । मृतकको शव पोष्टमार्टमका लागि कटारी अस्पताल उदयपुर पठाईएको डिएसपी दाहालले बताए । घटना स्थल र घटनामा संलग्न व्यक्तिलाई नियन्त्रणमा लिई अनुसन्धान भईरहेको दाहालले बताए ।
