सिन्धुली । सिन्धुली उद्योग वाणिज्य संघले सिन्धुलीले चार सय असी सदस्यहरुको दुर्घटना विमा गरेको छ । हाम्रो संस्थामा आबद्ध सदस्यहरूको २ लाख ५० हजार बराबरको दुर्घटना बीमा गरिएको सिन्धुली उद्योग वाणिज्य संघका अध्यक्ष अर्जुनकुमार श्रेष्ठले बताए ।
शुक्रबार सिन्धुलीमाढीमा पत्रकार सम्मेलन गर्दै अध्यक्ष श्रेष्ठले उक्त बिमामा १ लाख बराबरको दुर्घटना औषधि उपचार खर्च रहने र मृत्यु भएमा २ लाख ५० हजार बीमा रहने छ । संघले पहिलो चरणमा ४८० जना व्यवसायी सदस्यहरुको बिमा गरेको हो ।
बाँकी सदस्यहरुको समेत क्रमशः बिमा गर्दै लाने बताए । यस्तै सघंले व्यवसायी भलाई कोषको समेत स्थापना गरेको छ । सदस्यहरूको व्यवसायमा कुनै विपत आएमा भलाई कोषबाट आर्थिक सहयोग गर्ने उनले बताए । यस्तै सोहि भलाई कोषबाट सदस्यको मृत्यु भएमा १५ हजार सहयोग गरिने समेत श्रेष्ठले बताए ।
संघले हालसम्म गरेको कामको जानकारी गराउन गरिएको पत्रकार सम्मेलनमा संघको शाखा विस्तार गर्ने क्रममा लागेको समेत बताए । उनले गोलन्जोर, घ्याङ्लेख, फिक्कल र हरिहरपुरगढी गाउँपालिकामा संघको शाखा विस्तार गर्ने काम अन्तिम चरणमा पुगेको बताए ।
उनले अहिलेको नेतृत्वले कार्यालय व्यवस्थापन, दुई वटा सुविधासम्पन्न सभाहल निर्माण लगाएका काम गरेको जानकारी दिए । यस्तै व्यवसायी र आम उपभोक्तालाई सचेतना दिने, व्यवसायीक आचारसंहिता निर्माण लगाएतका काम गरेको जानकारी दिए । पत्रकार सम्मेलनमा बोल्दै श्रेष्ठले नेपाल रेडक्रस सोसाईटी सिन्धुलीले व्लड बैंक स्थापनाका लागि सुरु गरेको एकलाख रुपैंया सहयोग गरिएको, शान्ती सुरक्षाको गस्तीका लागि जिल्ला प्रहरी कार्यालय सिन्धुलीलाई ६ थान साईकल उपलब्ध गराएको, सिन्धुली अस्पतालका विरामीका लागि आवश्यक पर्ने ५ थान सिलिङ पंखा र जिल्ला प्रशासन कार्यालय सिन्धुलीमा सेवाग्राहिलाई सेवा सहजमा स्मार्ट टेलिभिजन उपलब्ध गराएको लगाएतको जानकारी दिए ।
संघको हरेक वर्ष स्थापना दिवस मनाउने कार्य सुरु गर्नुका साथै स्वास्थ्य शिविर, रक्तदान लगाएतका सामाजिक सेवामा समेत उवासंघ जोडिएको पत्रकार सम्मेलनमा जानकारी दिईएको छ ।
यस्तै उद्योग वाणिज्य संघले बजार अनुगमन गर्ने, मुल्य एकरुपताका लागि मुल्य सूचि निर्धारण गर्ने लगाएतका नियमित काम समेत गरेको जानकारी दिईएको छ ।
यस्तै सिन्धुली उद्योग वाणिज्य संघ र कमलामाई नगरपालिकाको संयुक्त आयोजनामा दमकल खरिदका लागि महोत्सव सञ्चालन गरिएको र दमकल खरिद प्रक्रिया अन्तिम चरणमा रहेको समेत बताए ।
