सिन्धुली । जर्वुट्टा कला केन्द्र सिन्धुलीको पहिलो साधारणसभा तथा अधिवेशन शुक्रबार सम्पन्न भएको छ ।
जर्वुट्टा कला केन्द्रका अध्यक्ष तथा जर्वुट्टा कलाकार विश्वम्भर लामिछानेको अध्यक्षता तथा कनपा ४ का वडाअध्यक्ष महेन्द्र ढकालको प्रमुख आतिथ्यतामा जर्वुट्टा कला संग्रहालय ढकालगाउँमा भएको अधिवेशनले कृष्ण प्रसाद बरालको अध्यक्षतामा ११ सदस्यीय नयाँ कार्यसमिति सर्वसम्मत चयन गरेको छ ।
केन्द्रको उपाध्यक्षमा तारा शर्मा लामिछाने, सचिवमा नारायण लामिछाने, सहसचिवमा रामचन्द्र दाहाल र कोषाध्यक्षमा शेखरचन्द्र पोखरेल चयन भएका छन ।
यस्तै सदस्यमा प्रशिद्धा शर्मा, सुनिता शर्मा, तुल्सी प्रसाद ढकाल, प्रज्वल सिन्धुलीय, सरोज प्रसाद ढकाल र नारायण कुमार पौडेल सर्वसम्मत निर्वाचित भएका छन ।
साधारणसभाले आर्थिक तथा प्रगति प्रतिवेदन पारित गरेको छ । कार्यक्रममा केन्द्रका सचिव नारायण लामिछानेले संस्थाको प्रगति प्रतिवेदन पेश गरेका थिए भने कोषाध्यक्ष शेखरचन्द्र पोखरेलले आर्थिक प्रतिवेदन पेश गरेका थिए ।
