सिन्धुली । जिल्लामा समानुपातिक तर्फ मात्र भोट हाल्न पाउने मतदाताको संख्या १ हजार २ सय २० जना रहेको छ । प्रतिनिधिसभा र प्रदेशसभाको मङ्सिर ४ गते हुने निर्वाचनका जिल्लाबाट १ हजार २ सय २० जना अस्थायी मतदाताको नामावली संकलन गरेको जिल्ला निर्वाचन कार्यालय सिन्धुलीका सुचना अधिकारी गिता दाहालले बताईन ।
जिल्लामा दुइ वटा अस्थायी मतदान केन्द्र राख्ने निर्णय गरिएको छ । जिल्ला कारागार सिन्धुली र शहरी विकास तथा भवन कार्यालयमा अस्थायी मतदान केन्द्र राख्ने निर्णय भएको दाहालले बताईन ।
अस्थायी मतदान केन्द्रबाट निर्वाचनमा खटिएका कर्मचारी, सुरक्षाकर्मीले मतदान गर्ने उहाँले बताउनुभयो । अस्थायी मतदाताले सङ्घ तर्फको समानुपातिक तर्फमात्रै मतदान गर्न पाउने व्यवस्था रहेको छ ।
जिल्लामा निर्वाचनका लागि आवश्यक सबै मतपत्र आइसकेका छन् । मुख्य निर्वाचन अधिकृत उपेन्द्र प्रसाद गौतमका अनुसार निर्वाचनका लागि सङ्घ र प्रदेश तर्फ प्रत्यक्ष तर्फको आवश्यक मतपत्र जिल्लामा आइपुगेको छ ।
