सिन्धुली । कृषि बजार व्यवस्थापन समितिले कृषकहरुले उत्पादन गरेको कृषि उपजहरु विक्रिको लागी दुई वटा सटर निशुल्क उपलव्ध गराएको छ । तर कृषकहरु सटर भन्दा सडकमै बसेर बेच्न रुचाउने गरेको छन ।
नेपाल सरकार संघिय सरकार मातहत रहेको बागमति प्रदेशको एक मात्र कृषि बजारमा ग्रामिण श्रेत्रबाट कृषकहरुले उत्पादन गरेको वस्तुलाई बजारीकरण गर्नको लागी बजार व्यवस्थापन समितिले दुई वटा सटर निशुल्क उपलव्ध गराएको बजार व्यवस्थापन नवराज खड्काले बताए ।
सिजनमा जुनार, किवि,मेवा उत्पादक कृषकहरुले केही समय प्रयोग गरेको भएपनि साना कृषकहरु भने सटरमा आउनै नचाहेको खड्काले बताए । कृषकहरुले कृषि बजारको सटर भन्दा बढी सटक किनार नै रोजेको पाईन्छ, उनले भने ।
गाउँबाट कृषकले उत्पादन गरेको सानो होस वा ठुलो परिणामको कृषि उपज जुन प्रशोधिन गरिएको छैन त्यस्ता वस्तुहरु तत्काल बजारमा ल्याउदा कृषकहरुलाई राख्ने ठाउँको अभाव हुन्छ, त्यस्तो समस्या नपरोस भन्ने हेतुले बजार व्यवस्थापन समितिले निशुल्क सटर उपलव्ध गराएको हो, तर कृषकहरु अझैपनि सटरमा राखेर विक्रि गर्न भन्दा सडक किनारमै बसेर विक्रि गर्न मन पराएको देखिन्छ, खड्काले भने ।
यस्तो निशुल्क उपलव्ध गराएको सटरमा कुनै पनि कृषकले उत्पादन गरेको कृषि उपजहरु विक्रि गर्न थालेपछि ती कृषकबाट उत्पादित वस्तु विक्रि नहुनजेल सम्मको लागी उक्त सटरहरु प्रयोग गर्न पाईने व्यवस्था छ व्यवस्थापक खड्काले भने ।
अर्को तर्फ कुनै पनि कृषकले डोकोमा होस वा कुनै पनि माध्यमबाट विक्रि गर्न ल्याएको कृषि उपजहरु दैनिक रुपमा पनि राख्न पाउने व्यवस्था रहेको छ, खड्काले भने । कृषि बजारमा फलफूल, तरकारी, तेलहन, दलहन, मसलावाली, पुष्प, च्याउ, मह, खाद्यान्न, माछा, मासु, अण्डा लगायतका वस्तु वा समितिले तोकेको अन्य खाद्य तथा कृषि वस्तु र कृषि उत्पादन सामग्री समेतको खरिद बिक्री सम्बन्धि क्रियाकलाप गर्न पाईने व्यवस्था रहेको खड्काले बताए ।“कृषि वस्तु” भन्नाले कृषि क्षेत्रबाट उत्पादित फलफूल, तरकारी, तेलहन, दलहन, मसलावाली, पुष्प, च्याउ, मह, खाद्यान्न, माछा, मासु, अण्डा जस्ता ताजा वा नाशवान वस्तु र समितिले ताकेको अन्य खाद्य तथा कृषि उपज र कृषि उत्पादन सामाग्री समेत तथा एक वटा वित्तिए संस्था समेत यस कृषि बजार भित्र संचालन गर्न राख्न पाउने व्यवस्था रहेको छ, व्यवस्थापक खड्काले भने ।
