सिन्धुली । कमलामाई नगरपालिकाले आगामी आर्थिक वर्षमा सिन्धुलीगढी आडदेखि सिन्धुलीगढीसम्मको पैदलमार्ग निर्माण गर्ने भएको छ । कमलामाई नगरपालिकाको ११ औं नगरसभामा आगामी आर्थिक वर्षको नीति तथा कार्यक्रम प्रस्तुत गर्दै नगरप्रमुख उपेन्द्र पोखरेलले गढी आड पैदलमार्ग सम्पन्न गरिने जनाएका हुन ।
उनले सिन्धुलीगढीमा निर्माण भईरहेको सिन्धुलीगढी दरबारमा पुरातात्विक संकलन र स्थापित गर्ने जनाएका छन ।
कमलामाई नगरपालिकाको नीति तथा कार्यक्रममा नगरभित्र मौलिक जातीय पहिचानलाई संग्रहालयमा राख्ने, भद्रकालीमा स्थापना गरिएको होमस्टेलाई पूर्ण रुपमा सञ्चालनमा ल्याउने, कमलामाईको उद्गम स्थललाई धार्मिक तथा पर्यटकीय स्थलका रुपमा विकास गर्ने, नगरपालिका भित्रका धार्मिक तथा पर्यटकीय क्षेत्रको विकासलाई प्राथमिकतामा राखिने कार्यक्रम समावेश गरिएको छ ।
Advertisement. Scroll to continue reading.
फेसबुक मार्फत प्रतिकिया दिनुहोला
