सिन्धुली । नेकपा एमालेको सातौं अधिवेशनबाट ३२ जना महिला निर्विरोध निर्वाचित भएका छन । खुला महिला १७ जना, दलित महिला १ जना, जनजाती महिला ६ जना र भुगोल तर्फका ८ पालिकाबाट ८ जना महिला निर्विरोध निर्वाचित भएका हुन । नेकपा एमालेको विधानमा कम्तिमा ३३ प्रतिशत महिला सहभागिता अनिवार्य गरेसँगै जिल्लाको इतिहासमै यति धेरै महिला निर्वाचित भएका हुन ।
निर्वाचन समितिका संयोजक पुरुषोत्तम दाहालका अनुसार खुला महिला १९ जना निर्वाचित हुनुपर्नेमा १७ जनाको मात्र उमेदवारी परेको थियो । यस्तै भुगोलतर्फ ९ वटा पालिकाबाट ९ जना महिला निर्वाचित हुनुपर्नेमा कमलामाई बाहेक अन्य पालिकामा सर्वसम्मत निर्वाचित भएका छन । कमलामाई नगरपालिकामा ३ जनाको प्रतिस्पर्धा हुने भएको छ ।
यस्तै जनजाती र दलित महिलामा एक एक जनाले उमेदवारी फर्ता गरेसँगै दलितमा १ र जनजातीमा ६ जना महिला निर्विरोध निर्वाचित भएका छन ।
यस्तै सचिव लगाएत केहि भूगोलका सदस्यहरु पनि निर्विरोध निर्वाचित भएका छन । सचिवमा नारायण बराल निर्वाचित भए भने दुधौली, गोलञ्जोर, सुनकोशी, घ्याङलेख, मरिण, हरिहरपुरगढीबाट २, २ जना सदस्य निर्विरोध निर्वाचित भएका छन । कमलामाई नगरपालिका, फिक्कल गाउँपालिका र तिनपाटन गाउँपालिकाको भुगोल तर्फको सदस्यमा भने निर्वाचन हुने भएको छ ।
यस्तै खुलातर्फ ३३ जनाको सिटमा ५३ जनाको उमेदवारी परेको छ । जनजातीतर्फ १२ जनाको लागि २८ जनाको उमेदवारी परेको छ । दलित खुला सदस्यमा २ जनाको लागि ६ जनाको उमेदवारी परेको छ ।
मुख्य पदमा दुई महिलाको उमेदवारी
एमाले अधिवेशनमा मुख्य पदका लागि २ जनाको उमेदवारी परेको छ । उपसचिवमा मञ्जु देवकोटा र रश्मिला देवकोटाको उमेदवारी परेको हो । उपसचिवमा २ पदका लागि २ महिला सहित ४ जनाको उमेदवारी परेको छ । जसमा नवराज थिङ र खड्ग रजन (धिरज) रहेका छन ।
