सिन्धुली । नेपाली कांग्रेसको १४ औं महाधिवेशनमा सिन्धुलीका तीन जनाले उमेदवारी दिएका छन । नेपाली कांग्रेसको खस आर्य तर्फ श्याम कुमार घिमिरे, जनजाती महिला तर्फ शुशिला थिङ, महिला खुला सदस्यतर्फ विजुला बर्मा र मोहन प्रसाद बरालले उमेदवारी दिएका छन ।
घिमिरे नेपाली कांग्रेसका यस अघि पनि केन्द्रीय सदस्य हुन । बराल सिन्धुली क्षेत्र नं. २ बाट निर्वाचित संविधानसभा सदस्य हुन । उनी नेपाली कांग्रेस सिन्धुलीका पूर्व सभापति समेत भईसकेका व्यक्ति हुन ।
यस्तै बर्मा बाग्मति प्रदेश सभा सदस्य हुन । उनी यस अघि नेविसंघको केन्द्रीय उपाध्यक्ष, सदस्य, नेपाल महिला संघ लगाएतका भातृ भगिनी संगठनको नेतृत्व गर्दै कांग्रेसको राजनीतिमा आएकी हुन ।
केन्द्रीय सदस्यका उमेदवार थिङ अधिवक्ता हुन । उनी यस अघि कमलामाई नगरपालिकाको उपमेयरमा पराजित भएकी थिइन । चारै जनाले शनिबार उमेदवारी दर्ता गरेका छन ।
