सिन्धुली । कमलामाई नगरपालिका वडा नम्बर ४ शिखर ढकाल गाउँका किरियापुत्री बसेका विपन्न परिवारलाई एमाले निकट युवाहरुले आर्थिक तथा खाद्यान्न सहयोग गरेका छन ।
ढकालगाउँका सन्तोष सार्कीको परिवारलाई एमाले निकट नेताहरुको सक्रियता सहयोग संकलन गरि हस्तान्तरण गरिएको हो ।
सार्कीको जन्डिसका कारण मृत्यु भएपछि आर्थिक कठिनाई भएको र किरियापुत्री बस्न समेत समस्या भएपछि आर्थिक संकलन गरि सहयोग गरिएको नेकपा एमालेका उपसचिव तथा कमलामाई नगरपालिकाका इन्चार्ज महेन्द्रदेव श्रेष्ठले बताए ।
नेकपा एमाले वडा नम्बर ४ को वडा कमिटीको संयोजनमा सहयोग गरिएको उनले बताए । उनका अनुसार नगद तथा आवश्यक खाद्यान्न लगाएतका जिन्सी सामग्री सहयोग गरिएको हो ।
विभिन्न व्यक्ति तथा संस्थाहरुबाट संकलन भएको ३४ हजार २ सय रकम र केहि खाद्यान्न लगाएतका जिन्सी सामग्री सहयोग गरिएको श्रेष्ठले जानकारी दिएका छन । उक्त सहयोग घरमै पुगेर हस्तान्तरण गरिएको छ ।
उक्त परिवारलाई भेट्न नेकपा एमाले जिल्ला कमटी उपसचिब एवं नगर इन्चार्ज महेन्द्र देव श्रेष्ठ, नगर कमिटी सचिवालय सदस्य केदार देवकोटा, सागर कार्की, वडा नम्वर ४ युवा संघका संयोजक रोशन श्रेष्ठ, वडा नम्बर ४ का अध्यक्ष देवानन्द श्रेष्ठ, नगर कमिटी सदस्य तथा वडा उपसचिव चन्द्र श्रेष्ठ लगाएतको टोली सार्कीको घरमा पुगेको थियो ।
