सिन्धुली । नेकपा एमालेका केन्द्रीय सदस्य उमा कोइरालाले एमाले फुट्ने हैन जुट्ने बेला आएको बताएकी छिन । उनले एक ढिक्का भएर नयाँ एमाले निर्माणको अभियानमा लाग्न कार्यकर्तालाई आग्रह गरेकी छिन । उनले आउने साथिहरुलाई समेट्न र एमाले एकढिक्का बनाउन लाग्न आग्रह गरेकी हुन ।
आइतबार नेकपा एमालेको कमलामाई नगरपालिका वडा नं. २ को वृहत भेलालाई सम्बोधन गर्दै नेता कोइरालाले एमाले विधि, पद्दति, नीति, कार्यक्रम र अनुशासन भएको पार्टी भएकाले माओवादी केन्द्र जस्तो अवैधानिक नभएको बताईन ।
उनले नेकपा एमाले बैधानिक पार्टी भएको तर प्रचण्ड र माओवादी अवैधानिक पार्र्टी भएको समेत दावी गरिन । महाधिवेशन, अधिवेशन नहुने पार्टी कसरी बैधानिक पार्टी भयो ? उनले प्रश्न गरिन ।
नेकपा एमाले नेतृत्वको सरकारले ल्याएको लोकप्रिय बजेटले कांग्रेसलाई भत्भती पोलेको बताउँदै कोइरालाले कम्फर्टेवल सरकारले बजेट होलिडे गरेर देशको विकासलाई बन्धक बनाएको बताईन ।
नेकपा एमाले सिन्धुलीको सह इन्चार्ज समेत रहेकी कोइरालाले माधव नेपालले शेरबहादुर र प्रचण्डको चाकडी गरे विचारबाट बाहिरीएको आरोप लगाईन । उनले बाटो विराएका नेता कार्यकर्तालाई एमालेको झण्डामुनी आवद्ध हुन आग्रह गरिन ।
कोइरालाले देशको संविधान र कानुन माथि भएर भित्रिने सहयोग, अनुदान मान्य नहुने भन्दै नेपालका लागि एमसिसी नचाहिएको बताईन ।
कार्यक्रममा बोल्दै वाग्मति प्रदेशसभा सदस्य एवम् नेकपा एमालेका नेता विनोद खड्काले एमाले विकासलाई माया गर्ने पार्टी भएकाले एमालेको नीति सिद्धान्तमा आवद्ध हुन आग्रह गरे । यस्तै नेकपा एमालेका उपसचिव एवम् कमलामाई नगरपालिका नगर कमिटी इन्चार्ज महेन्द्रदेव श्रेष्ठले एमाले वृद्धवृद्धा, बालबालिका, युवा, महिला, अपांगता भएका व्यक्ति, दलित जनजाती, भूमिहिन लगाएको पार्टी भएको र विकास प्रेमी पार्टी भएकाले एमालेमा आवद्ध हुन आग्रह गरे ।
कार्यक्रममा बोल्दै नेकपा एमाले सचिवालय सदस्य एवम् भूमि सम्बन्धि समस्या समाधान आयोग सिन्धुलीका विज्ञ सदस्य नवराज थिङ जिल्लाका चौविस हजार नागरिकले लालपूर्जा पाउने अवस्थामा आउँदा शेरबहादुर देउवा नेतृत्वको सरकारले आयोग विघटन गरि अन्यौलता सृजना गरेको बताए । उनले देउवा नेतृत्वको सरकारले जनविरोधी कदम चालेको बताए ।
एमाले नेता मानसिंह ठोकरको अध्यक्षतामा भएको कार्यक्रममा पार्टी वडा कमिटी, अनेमसंघ वडा कमिटि र राष्ट्रिय युवा संघको वडा कमिटी गठन गरिएको छ भने माओवादी केन्द्रका १८० जना र नेपाली कांग्रेसका २० जना गरि २ सय जना नेकपा एमालेमा प्रवेश गरेका छन ।
भेलाले मंगल सिंह स्याङ्तानको अध्यक्षतामा ४५ सदस्यीय पार्टी कमिटी गठन गरेको हो । जसको उपाध्यक्ष नीर गौतम, रामहरि श्रेष्ठ, उप सचीव भिम बहादुर दर्लामी रहेका छन । यस्तै पूर्ण थिङको अध्यक्षतामा ७५ सदस्यीय युवा संघ गठन भएको छ । भने कौशिला भित्राकोटीको नेतृत्वमा १५ सदस्यीय अनेमसंघ गठन गरिएको छ । जसको उपाध्यक्ष तारा लक्ष्मी श्रेष्ठ, सचिव बालमाया श्रेष्ठ, सहसचिव कुमारी मोक्ता र कोषाध्यक्ष देवकुमारी सारु चयन भएका छन । यस्तै भेलाबाटै अनेमसंघ नगर कमिटीमा पदपूर्तिका लागि भद्रा राजभण्डारी, सावित्रा पाटा मगर, गिता थापा र सुनमाया थोकरलाई पठाउने निर्णय समेत गरिएको छ ।
कार्यक्रममा नेकपा एमालेका प्रदेश कमिटी सदस्य एवम् कमलामाई नगरपालिकाका मेयर खड्ग खत्री, जिल्ला समन्वय समितिका सदस्य चित्र बहादुर बुढाथोकी (सन्तोष), राष्ट्रिय युवा संघका अध्यक्ष देवराज वाईवा, अनेमसंघ कमलामाई नगर कमिटीका अध्यक्ष बिमला पाण्डे, नेपाल पत्रकार महासंघ सिन्धुलीका अध्यक्ष कृष्णहरि घिमिरे लगाएतले मन्तव्य व्यक्त गरेका थिए ।
