सिन्धुली । निल हिरा समाजले तेस्रो लिंगीहरुको पहिचान र तथ्यांक स्थापित गर्न राष्ट्रिय जनगणनामा तेस्रो लिंगीहरुको तथ्यांकलाई प्रभावकारी ढंगले समावेश गराउन सुपरभाईजर तथा सरोकारवालासँग अनुरोध गरेको छ ।
४० जिल्लाका जनगणना कार्यालय, जिल्ला प्रशासन कार्यालय, स्थानीय तह, वडा कार्यालयहरु मार्फत सहजीकरणका लागि अनुरोध समेत गरेको छ ।
यस्तै जनगणनाका लागि देशभर एकैपटक स ञ्चालन गरिएको सुपरभाईजरको तालिममा पुगेर समाजले एलजीविटिआईको तथ्यांकलाई प्रभावकारी रुपमा जनगणनामा समेट्न सहयोग गर्न आग्रह गरेका छन ।
सिन्धुली सदरमुकाम सिन्धुलीमाढीमा सञ्चालन भईरहेको तालिममा समाजका कार्यक्रम निर्देशक सञ्जय शर्माले तथ्यांकले सरकारलाई एलजिविटीआईका लागि आवश्यक नीति नियम बनाउन सहयोग पुग्ने बताएका छन । उनले तेस्रो लिंगीलाई तथ्यांकमा समेट्न नसक्दा राज्यको नजर पर्न नसकेको बताए ।
निल हिरा समाजका निर्देशक शर्माले प्रमुख जिल्ला अधिकारी सुरेश न्यौपाने, कमलामाई नगरपालिकाका मेयर खड्ग खत्री, कमलामाई नगरपालिकाका १४ वटै वडाका वडाध्यक्षहरु, जिल्ला जनगणना कार्यालयका प्रमुख लगाएतलाई भेटेर तेस्रो लिंगीको तथ्यांक समेट्न आग्रह गरेका छन ।
सरकारले तेस्रो लिंगीहरुको तथ्यांक जनगणना २०७८ मा लिने नीति लिएपछि आफुहरुले सहजीकरण गरिएको उनले बताए ।
