सिन्धुली । सर्वोच्च अदालतले आइतबार ऋषि कट्टेल नेतृत्वको नेकपालाई बैधानिकता दिएर पूर्व एमाले र माओवादी केन्द्रलाई पुरानो अस्थित्वमा फर्काईदिएपछि नेकपा (एमाले) का नेता तथा कार्यकर्ताले अदालतको निर्णयको स्वागत गरेका छन । निर्णय आए लगत्तै ९ वटै स्थानीय तहमा एमाले निकट नेता कार्यकर्ताले दिपावली गरेर नाचगान समेत गरेका छन ।
कमलामाई नगरपालिकाको सिन्धुलीमाढीमा रहेको पार्टी कार्यालय अगाडि नेकपा एमाले र सूर्य चिन्ह फिर्ता आएकोमा खुशी व्यक्त गर्दै सै पनि एमाले मै पनि एमाले लगाएतका निर्वाचनका गीतहरुमा नाचगान गर्दै नारावाजी समेत गरे ।
उनीहरुले अदालतले गरेको निर्णय पूर्व एमालेका कार्यकर्ताको मनोभावना समेटेको भन्दै खुशी व्यक्त गरे । उनीहरुले एक आपसमा बधाई तथा शुभकामना साटासाट समेत गरेका छन । यद्यपी माधव नेपाल, प्रचण्ड पक्षमा गएका नेता तथा कार्यकर्ता भने उक्त खुशी साटासाटमा आएनन ।
यस्तै नेकपा एमालेका नेता कार्यकर्ताले सिन्धुलीमाढीमा मोटरसाईकल सहितको ¥याली समेत निकाले । उनीहरुले पार्टी कार्यालयबाट निकालेको ¥यालीले बजार परिक्रमा गरि कमलामाई नगरपालिका अगाडि लोकतान्त्रिक चौतारोमा पुनः दिपावली तथा नाचगान गरेका छन । कार्यक्रममा नेकपा एमालेकी केन्द्रीय सदस्य उमा कोइरालाले यो जीत राष्ट्रवादीहरुको जीत भएको र पुरानै घरमा बस्न पाएकोमा खुशी व्यक्त गरिन । उनले सूर्य चिन्ह लिएर फेरी जनताको बीचमा संयमतापूर्वका जाने समेत उद्घोष गरिन ।
यस्तै नेकपा एमालेका अध्यक्ष प्रदीप कटुवालले कार्यकर्ताहरुलाई खुशी हुन र विकास, राष्ट्रियताका पक्षपातीको जीत भएको बताए । उनले सबै नेता कार्यकर्तालाई बधाई तथा शुभकामना समेत दिए ।
यसैबीच सुनकोशी गाउँपालिका, दुधौली नगरपालिका, फिक्कल गाउँपालिका, मरिण गाउँपालिका लगाएतका स्थानीय तहमा पनि खुशीयाली साटासाट गरे । रमाए र नाचगान गरे । उनीहरु नेकपा फुटेकोमा भन्दा पनि पुरानै घरमा फर्कन पाएकोमा खुशी व्यक्त गरेका थिए ।
