मदन भण्डारी राजमार्ग, ‘शहरका घर भत्काईरहनु पर्दैन, बाटो मोडेर लानुस’
सिन्धुली । नेपाल कम्युनिष्ट पार्टी (नेकपा) का अध्यक्ष केपी शर्मा ओलीले केपी ओलीले राष्ट्रिय गौरवको आयोजना सुनकोशी मरिण डाइभर्सन बहुउद्देश्यीय आयोजनाले तराई र पहाडको सम्बन्धलाई मजबुद बनाउने विश्वास व्यक्त गर्नु भएको छ ।
उहाँले भन्नुभयो, ‘यसले एउटा ठूलो कुराको जवाफ दिन्छ, केपी ओली २ नं. प्रदेश नपसे पनि पानी चाहिँ पसाई दिन्छ, खेत चाहिं भिजाइदिन्छ ।’ ‘केपी ओलीलाई पस्न नदिए हुन्छ तर तपाईहरुका खेतमा पानी पसाउँछ केपी ओलीले । तपाईहरुका सुख्खा खेतलाई चिसा बनाईदिन्छ केपी ओलीले ।’ उहाँले भन्नुभयो, ‘२ नं. प्रदेशका मुख्य मन्त्री लालबहादुर राउत मार्फत खबर पठाउन चाहान्छु, केपी ओलीलाई पस्न नदिए पनि हुन्छ तर पानी पस्न चाहि नरोक्नुहोला ।’
उहाँले केपी ओलीलाई तराई पस्न दिन्न भन्नेलाई जवाफ दिदै ‘मलाई तराई पस्न नदिए नदिनुस तर पानी तराई पस्न दिनुस ।’ भन्नु भएको हो । उहाँले केपी ओलीलाई तराई पस्न दिन्न भन्नेहरुलाई विकास नरोक्न अनुरोध गर्दै यस्तो बताउनु भएको हो ।
विहिबार राष्ट्रिय गौरवको आयोजना सुनकोशी मरिण डाईभर्सनको कमलामाई नगरपालिका २ कुसुमटारमा शिलान्यास गर्दै उहाँले त्यस्तो बताउनु भएको हो । ओलीले सुनकोशी मरिण डाईभर्सन वहुआयामिक आयोजना रहेको बताउँदै भन्नुभयो, ‘यो आयोजना भनेको टनेल खन्ने मात्र हैन, पावर हाउस चल्ने, नहर, सिंचाई, विद्युत निर्माण गर्ने काम गर्छ, यसले जमिन जंगलको संरक्षण गर्नुका साथै चुरे र तराईलाई रिचार्ज पनि गर्छ ।’
सुनकोशी मरिण डाइभर्सनसँगै सरकारले सुनकोशी कमला डाइभर्सनको आयोजना पनि तत्काल सुरु गर्ने बताउनुभएको छ । सुनकोशी कमला डाईभर्सनले पनि १७० हजार विघा जमिन सिंचाई गर्ने र तराईका धनुषा, सिरहा सप्तरी सिंचित हुने उहाँले बताउनुभयो ।
दुई वटा आयोजनाले प्रदेश नं. २ का किसानहरुलाई फाइदा हुने बताएका ओलीले भन्नुभयो ‘अब मलाई तराई जान नदिए हुन्छ । तराई त्यस्तो छैन, त्यहाँका जनताले देखि सके बुझिसकेका छन, त्यसपछि राजनीतिक पार्टी चाहिदैन, जनताले आफै गेट बनाउँने छन ।’
सुनकोशी मरिण डाईभर्सन सजिलै सुरु गर्न सकिएकोमा खुशी व्यक्त गर्दै ओलीले ‘सिन्धुली रामेछापबासीले यो मेरो खोला मेरो पानी भनेर नारा लगाउनु भएन । तपाईहरुलाई धन्यावाद दिन चाहान्छु । यो देश हाम्रो हो, हामीले एक ठाउँको पानी अन्त लगेर, एक ठाउँको विजुली अन्त लगेर प्रयोग गर्नुपर्छ ।’ भन्नुभयो । उहाँले थप जोड दिदैं भन्नुभयो, ‘सिन्धुली, रामेछाप हाम्रो हो, सुनकोशी मरिण हाम्रो हो, वारा, पर्सा, रौतहट हाम्रै हो । तराईमा सिंचाई पु¥याउँछौं ।’
हामीले फेरेको सास कहाँ कहाँबाट आएर हामीले स्वास फेरीरहेका छौं, मान्छेले सक्थे भने त्यो पनि पर्खाल लाएर छेक्थे । प्रधानमन्त्री ओलीले सुनकोशी मरिण डाईभर्सन निर्माणपछि बाग्मति प्रदेशलाई बगैंचामय बनाउने उद्घोष गर्नुभएको छ । उहाँले भन्नुभयो ‘प्रदेश नं. २ मा बनजंगल कम छ, यसलाई हामीले फलफूलको बगैंचा बनाएर बगैंचामय प्रदेश बनाउँछौं ।’
‘आपँका बगैंचा, लिचिका बगैंचा, मेवाका बगैंचा कटहरका बगैंचा आदि बगैंचै बगैंचा । जसले गर्दा खेति पनि हुन्छ, वन पनि हुन्छ, हरियाली पनि हुन्छ, वातावरणको संरक्षण पनि हुन्छ र मरुभूमिकरणबाट देश जोगाईन्छ ।’ तराईमा फलफूलहरु विशाल मात्रामा उत्पादन गरि आयातकर्ता उपभोगकर्ता नभई निर्यातकर्ता देशका रुपमा नेपाललाई लाने समेत उद्घोष गर्नु भएको छ । ‘यो समय आउन धेरै कुर्नु पर्दैन । पाँच वर्ष भित्र आयातकर्ता उपभोगकर्ता मात्र हैन, उत्पादन र निर्यातकर्ता देश बनाउने छौं ।’
मदन भण्डारी राजमार्ग, ‘शहरका घर भत्काईरहनु पर्दैन, बाटो मोडेर लानुस’
सोहि कार्यक्रममा प्रधानमन्त्री ओलीले कमलामाई नगरपालिकाको धुराबजारदेखि खट्टारसम्मको अवरुद्ध सडक निर्माणका लागि बाटो वस्तीबाट अन्यत्रै मोडेर लान निर्देशन गर्नुभएको छ ।
‘शहरबाटै बाटो लानुपर्छ भन्ने छैन, शहर तर्काएर बाटो लानुस । समस्या समाधान हुन्छ । सरकारले उचित मुआब्जा दिन मिल्ने जमिनको मुआब्जा दिन्छ ।’ उहाँले भन्नुभयो, ‘शहरलाई आवश्यक पिच गरौंला । आवश्यक सौन्दर्य गरौंला । शहरका घर भत्काई रहनुपर्ने आवश्यकता छैन । बाटो मोडेर लगे हुन्छ, अझै पनि समय छ त्यो काम गरिने छ ।’
उहाँले ‘विवाद नगरेर बाहिरबाट बाटो लान, रुट बदल्न म सडक विभागलाई भनुँला । पूर्वाधार विकास मन्त्रीलाई भनुला, समस्या समाधान हुन्छ ।’ समस्या समाधान गर्ने आश्वासन दिदै ओलीले भन्नुभयो ।
