सिन्धुली । नेपाल कम्युनिष्ट पार्टी (नेकपा) निकट महिलाहरुको संगठन अखिल नेपाल महिला संघ (अनेमसंघ) सिन्धुलीको विस्तारित बैठक बुधबार सिन्धुलीमाढीमा सम्पन्न भएको छ ।
अनेमसंघ सिन्धुलीका अध्यक्ष पार्वती सुनुवारको अध्यक्षता एवम् नेकपाका केन्द्रीय सदस्य तथा अनेमसंघका केन्द्रीय सचिव सुजिता शाक्य, अनेमसंघका बाग्मति प्रदेश सचिव सरस्वति बस्नेत लगाएतको उपस्थितिमा अनेमसंघ सिन्धुलीको जिल्ला सम्मेलन आयोजक कमिटि निर्माण गरिएको छ ।
पार्वती सुनवारको अध्यक्षतामा ३ सय ११ सदस्यीय आयोजक कमिटि तथा नौ वटै स्थानीय तहमा आयोजक कमिटि निर्माण गरि विस्तारित बैठक समापन गरिएको छ ।
यस्तै अनेमसंघले युवा महिला समितिको समेत निर्माण गरेको छ । जिल्लाका नौ वटै स्थानीय तहका युवा महिलाहरुलाई समेटि सञ्जु बस्नेतको नेतृत्वमा ६५ सदस्यीय समिति गठन गरिएको हो ।
अग्रणी महिला, प्रौढ महिला र युवा महिलाहरुलाई समेट्दै गाउँ गाउँमा क्षेत्र, पालिका, वडा र टोल टोलमा समिति गठन गर्ने निर्णय समेत अनेमसंघ सिन्धुलीले गरेको अनेमसंघ सिन्धुलीका सचिव पार्वती भट्टराईले बताईन ।
