सिन्धुली । जिल्लामा संचालन हुन गई रहेको राष्ट्रिय गौरवको आयोजना सुनकोशी–मरिण ड्राइभसर्नको फागुन २० गते शिलान्यास हुने भएको छ । जसको शिलान्यास प्रधानमन्त्री केपी शर्मा ओलीले गर्नुहुने भएको छ ।
सुनकोशी मरिण डाईभर्सनको आयोजनामा कमलामाई नगरपालिका वडा नं. २ को कुसुमटारमा आयोजनाको शिलान्यास हुने नेकपा सिन्धुलीका अध्यक्ष प्रदीप कटुवालले शनिबार पत्रकार सम्मेलनको आयोजना गरि जनाएका छन ।
प्रधानमन्त्री ओलीले फागुन २० गते विहान साढे ११ बजे आयोजनाको शिलान्यास गर्नु हुने भएको हो । जसका लागि आयोजना, सुरक्षा निकाय लगाएतका निकायहरुले काम अगाडि बढाएका छन भने मञ्च व्यवस्थापन लगाएतका अन्य व्यवस्थापनका काममा ओली निकट नेकपाले सघाउने भएको छ ।
पत्रकारहरुसँग कुरा गर्दै अध्यक्ष कटुवालले सबै नागरिकलाई आयोजना शिलान्यासमा सहभागि हुन अनुरोध समेत गरेका छन । उनले राजनीतिक विषम परिस्थितिमा भएका राजनीतिक परिघटनाहरुका बारेमा र सम्भावित अवस्थाका बारेमा समेत ओलीले चर्चा गर्ने समेत जनाएका छन ।
यस्तै शिलान्यास कार्यक्रममा उर्जा तथा जलस्रोत मन्त्री टोप बहादुर रायमाझी समेत सहभागि हुने कार्यक्रम रहेको कटुवालले पत्रकार सम्मेलनमा जानकारी दिएका छन ।
सुनकोसी मरिण ड्राइभर्सन मध्यतराईमा सिंचाई गर्ने र २८ मेघावाट विद्युत उत्पादन हुने गरि निर्माण गरिदै छ । सुनकोशी नदीको पानी मरिण हुदै वाग्मतिमा मिसाई तराईमा सिंचाईको व्यवस्था मिलाउने गरि आयोजना निर्माण सुरु गरिएको छ ।
उक्त आयोजनाले जग्गा अधिग्रहण तथा मुआब्जा वितरणको काम गरिरहेको छ ।
