सिन्धुली । कमलामाई नगरपालिका खेलकुद विकास समितिले आयोजनामा सिन्धुलीमाढीमा जारी प्रथम मेयर कप फुटबलको सेमि फाइनल खेल मंगलबार सम्पन्न भएको छ ।
मंगलबार भएको खेलमा वडा नं. २ र १३ को टिम विजेता बन्दै फाइनलमा प्रवेश गरेका छन ।
मंगलबार वडा नं. १ र २ बीच भएको खेलमा वडा नं. २ ले २ गोल गर्दै वडा नं. १ लाई पराजित ग¥यो । वडा नं. १ ले गोल हान्न सकेन ।
यस्तै मंगलबार नै भएको वडा नं. १३ र वडा नं. ९ बीचको खेलमा दुवै समूहले ०–० गोल गरेर बराबरीमा खेल सकिएपछि पेनाल्टी सुटआउट पाएका दुवै समूहले ७ राउण्डमा ७ –४ गोल गरे । वडा नं. १३ ले ७ गोल ग¥यो भने वडा नं. ९ ले ४ गोल मात्र हान्यो ।
यो सँगै वडा नं. २ र वडा नं. १३ फाइनलमा पुगेका छन । मेयर कप फुटवलको फाइनल खेल बुधबार दिउँसो १ बजे हुने भएको नगर खेलकुद समितिका अध्यक्ष दिपेन्द्र फुयाँलले बताए । उनका अनुसार फाइनल खेलपछि समापन तथा पुरस्कार वितरण समारोहको आयोजना गरिएको छ ।
मेयरकप फुटबलको विजेतालाई १ लाख राशिको पुरस्कार र उपविजेतालाई ५० हजार नगद पुरस्कारको व्यवस्था गरिएको छ । मेयर कप फुटबल प्रतियोगितामा नगरपालिकाका ११ वडाका ११ टिमको सहभागिता रहेको थियो ।
