सिन्धुली । नेकपा ओली पक्षले सिन्धुलीका कमलामाई नगरपालिका लगाएत जिल्लाका सबै स्थानीय तहमा पालिका स्तरीय भेला तथा बैठकको आयोजना गरेको छ । भेलामा सोहि स्थानीय तहमा रहेका जिल्ला स्तरका नेताहरु, स्थानीय तहका नेताहरु लगाएतले सम्बोधन गरेका छन । सोहि क्रममा कमलामाई नगर संगठन कमिटिको भेला तथा बैठक कमलामाई पार्टी प्यालेस धुरामा गरिएको छ ।
कमलामाई नगर संगठन कमिटिको भेला नेकपा केन्द्रीय सदस्य उमा कोईरालाको प्रमुख आतिथ्यता तथा नेकपा नगर कमिटिका इन्चार्ज महेन्द्रदेव श्रेष्ठको अध्यक्षतामा सम्पन्न भएको छ । उक्त बैठक तथा भेला ६ वटा महत्वपूर्ण निर्देशनात्मक निर्णय गरि सम्पन्न भएको नेकपा नगर इन्चार्ज महेन्द्रदेव श्रेष्ठले बताए ।
ओली समूहको बैठकले मुलुकको विकास र संमृद्धिको पक्षमा रास्ट्रको स्वाधिनताको सवालमा काम गरिएको सरकारलाई घेराबन्दी गरी प्रधानमन्त्री केपी ओलीलाई प्रचण्ड माधव नेपाल पक्षले प्रतिनिधिसभा विघटन गर्न बाधय पारेको निश्कर्ष निकाल्दै ताजा जनादेशमा जाने निर्णयको स्वागत गरेको छ ।
यस्तै कमलामाई नगर क्षेत्र भित्रका आम जनसमुदाय, नेता, कार्यकर्ताहरुलाई वर्तमान परिस्थितिमा केपी ओलीले नेतृत्व गरेको नेकपामा गोलबन्द हुन आह्वान गर्ने, समाज विकास, रुपान्तरणको लागि कमलामाई नगरपालिका भित्रका जनप्रतिनिधिहरुलाई मुलुक र जनताको हितलाई सर्वोपरि राखि काम गर्न निर्देशन दिने निर्णय गरेको छ ।
बैठकले आम नेता, कार्यकर्ता र जनसमुदायलाई अनियमितता र भ्रष्टाचार विरुद्ध उभिन आव्हान गर्ने निर्णय समेत गरेको छ । कार्यक्रममा बोल्दै नेकपा नेता उमा कोइरालाले राष्ट्र र राष्ट्रियताका सवालमा उभिएकै कारण आफ्नै पार्टीका नेताले ओलीलाई घेराबन्दीमा पारेको बताईन । पदका लागी माधव नेपाल, प्रचण्डले प्रधानमन्त्री ओली विरुद्ध अविश्वासको प्रस्ताव ल्याउन र राष्ट्रपति विरुद्ध महाअभियोग लगाउन खोज्दा संसद विघटन भएको बताईन । उनले ओलीले जनमतका लागि जनता सामु आएको बताउँदै चुनावी मैदानमा होमिन समेत कार्यकर्तालाई निर्देशन गरेकी छिन । बैठकमा प्रदेश सभा सदस्य एवम् नेकपाका नेता विनोद खड्का, कमलामाई नगरपालिकाका उपमेयर मञ्जु देवकोटा लगाएतले सम्बोधन गरेका थिए ।
यस्तै सुनकोशीमा केन्द्रीय सदस्य कमल दाहाल, प्रदेश सदस्य कौशल कोइराला, प्रेस संगठनका जिल्ला संयोजक वुद्ध अछामी लगाएतले भेलालाई सम्बोधन गरेका थिए ।
