सिन्धुली । कमलामाई नगरपालिका वडा नं. ६ शिवनगरमा बन्दै गरेको आईसोलेसन भवनका लागि सहयोग जुट्ने क्रम जारी छ । सुनकोशी गाउँपालिकाले पाँच लाख रुपैया, मरिण गाउँपालिकाले पाँच लाख ५० हजार रुपैया, गोलञ्जोर गाउँपालिकाले पाँच लाख रुपैया विनियोजन गरेको सार्वजनिक गरेका छन ।
यस अघि कमलामाई नगरपालिकाले तीन लाख रुपैंया सहयोग गरिसकेको छ । यसैगरी विहिवार मात्र आइसोलेसन भवन निर्माणका लागि नगद र निर्माण सामग्री प्राप्त भएको निर्माण समितिका संयोजक अशोक श्रेष्ठले बताए ।
यसरी आइसोलेसन भवन निर्माणका लागि सहयोग गर्नेमा दक्षिणकाली सामुदायिक वन उपभोक्ता समूह कमलामाई नगरपालिका– ५ सिन्धुलीले नगद एक लाख एक हजार एक सय ११ रुपैया र पाँच ट्याक्टर ढुङ्गा, तीनपाटन गाउँपालिका—२ भिमस्थान निवासी रामजी सुवेदीले पाँच हजार एक सय, नेपाल रेडक्रस सोसाइटी.माडी बजार उपशाखाले ५१ हजार, शान्ति चर्च कमलामाई नगरपालिका ६ सिन्धुलीले ५१ हजार एक सय, महिला जागरण टोल विकास संस्था २ नं. बजार सिन्धुलीले २० हजार, सहकार्य बचत तथा ऋण सहकारी संस्था लि.सिन्धुलीका कर्मचारीहरुले १० हजार रुपैया सहयोग गरेका छन ।
विहिवार नै गोलञ्जोर गाउँपालिका–५ का रामकाजी थापाले होङ्सी सिमेन्ट ५० बोरा उपलव्ध गराएको अध्यक्ष श्रेष्ठले बताए ।
आईसोलेसन भवन निर्माणका लागी वागमति प्रदेश सरकारले ९७ लाख रुपैया बजेट विनियोजन गरि सकेको छ । नपुग रकमका लागि सहयोग जुटाउने क्रम समेत भईरहेको श्रेष्ठले बताए । जिल्लाका अन्य स्थानीय तहले पनि बजेट विनियोजन गर्ने विषयमा छलफल भईरहेको श्रेष्ठले बताए ।
भवन निर्माणको लागी आर्थिक मात्र नभएर कमलामाई नगरपालिका र इन्जिनियर्स फोरमको प्राविधिक सहयोग, सिन्धुली अस्पतालको व्यवस्थापन रहेको छ भवन निर्माणको लागी दुई करोड ५४ लाख २४ हजार ४ सय ८७ रूपियाँ लागत अनुमान गरिएको छ । सिन्धुली अस्पताल सञ्चालन तथा व्यवस्थापन समितिले आइसोलेसन कार्यान्वयन गर्ने छ ।
भवनको निर्माण कार्य चाँडै सम्पन्न गर्नका लागी जिल्लाबाट संघ र प्रदेशमा प्रतिनिधित्व गर्ने प्रदेश तथा प्रतिनिधि सभा सदस्यहरु पहल गरिरहेका छन भने स्थानीय तहहरु, निर्माण व्यवसायीहरु, उद्योगी व्यवसायीहरु नागरिक समाज तथा नागरिक संघसंस्थाको सहयोग रहेको संयोजक श्रेष्ठले बताएका छन ।
यस अघि सुनकोशी गाउँपालिकाले १२ ट्रिप बालुवा, २ ट्रिप गिट्टी, कमलामाई नगरपालिका ७ का राम बहादुर लामाले २५ ट्याक्टर ढुंगा, विजय श्रेष्ठले २ ट्याक्टर ढुंगा, रानीबास क्रसर उद्योगले ४ ट्रिप बालुवा, वागमाराका डोलक श्रेष्ठले २८ ट्रिपर ढुंगा, विजय श्री हार्डवेयरले १ मुठा रड सहयोग गरेका छन ।
यस्तै बैंङ्कासुरेन्स क्लब सिन्धुलीले २५ हजार ५५५ रुपैंया नगद, जिल्ला आयुर्वेद स्वास्थ्य केन्द्रका कर्मचारीले २७ हजार १११ रुपैंया, रेडक्रस भिमान उपशाखाले १० हजार पाँच रुपैंया, यादव प्रसाद सुवेदी ५ हजार ५५५ रुपैंया, भिमान पोलिक्लिनिक एन्ड मेडीकल सेन्टर प्रा. लिले ५ हजार १५५ सहयोग गरेको श्रेष्ठले बताए । यस्तै युवा व्यवसायीहरुले कामदारहरुलाई दैनिक पानी खुवाउने काम गरेका छन भने सिद्धेश्वर खानेपानी उपभोक्ता समितिले निर्माणका लागि पानीको व्यवस्था गरेको छ ।
