सिन्धुली । बाग्मति प्रदेशका सामाजिक विकास मन्त्री युवराज दुलालले सिन्धुलीमा कोभिड १९ को उपचार र पूर्व तयारी लगाएतका विषयमा अनुगमन गरेका छन । उनले बुधबार सिन्धुलीमा सञ्चालित आइसेलेसन, क्वारेन्टाईन र प्रदेश सरकारको बजेटमा निर्माण भईरहेको ५० वेडको आइसोलेसन भवनको अनुगमन गरेका हुन ।
उनले कोभिड १९ का विरामीको उपचारको अवस्थाको समेत सिन्धुली अस्पताल र एपोलो अस्पतालमा पुगी जानकारी लिएका छन ।
यस्तै प्रदेश सभा सदस्यहरु राजन दाहाल, प्रदीप कटुवाल विनोद खड्का, प्रमुख जिल्ला अधिकारी योगेन्द्र प्रसाद पाण्डे सहित सुरक्षा निकायका प्रमुखहरु सिन्धुली अस्पताल विकास समितिका अध्यक्ष प्रलाद पोखरेल तथा अस्पतालका चिकित्सकहरु तथा अन्य सरोकारवालासँग अनौपचारिक छलफल समेत गरेका छन ।
छलफलमा जिल्लामा कोभिड १९ संक्रमण, उपचार र अन्य व्यवस्थापनका विषयमा छलफल हुुनुका साथै कोभिड १९ प्रयोगशाला सञ्चालनका विषयमा समेत छलफल भएको छ ।
यसै अवसरमा दुलालले प्रदेश सरकारद्वारा निर्माण हुँदै गरेको सिन्धुली रङ्गशालाको निरिक्षण गर्नुका साथै कोभिड १९ संक्रमित जिल्ला आयुर्वेद स्वास्थ्य केन्द्रका कर्मचारीसँग भेटघाट गरेका थिए ।
