सिन्धुली । सिन्धुलीका गैह्र सरकारी संघसंस्थाका प्रमुख एवम प्रतिनिधिले सामाजिक जवाफदेहिताका औजारको प्रयोग गरेको दावी गरेका छन । उनीहरुले सामाजिक परिक्षण, लेखा परिक्षण, साधारणसभा, बार्षिक साधारणसभा गर्ने, आयोजनाहरुमा होर्डिङबोर्ड राख्ने, आम्दानी खर्च पारदर्शि बनाउने, सूचनाको हकको प्रयोग गर्ने गरेको, सार्वजनिक सुुनुवाई गर्ने गरेको लगाएतका कामहरु गर्दै आएको बताएका छन ।
ट्रान्सपरेन्सी इन्टरनेशनल नेपाल सिन्धुलीको आयोजनामा भएको सामाजिक जवाफदेहिताको प्रयोगको विषयमा नागरिक संघसंस्थाका प्रतिनिधिहरुसँग गरिएको छलफलमा उनीहरुले त्यस्तो बताएका हुन ।
उनीहरुले सरकारी निकायको तुलनामा गैह्र सरकारी निकायले सामाजिक जवाफदेहिताका औजारको प्रयोग बढी गरेको दावी गरेका हुन ।
छलफलका क्रममा गैससकर्मीहरुले वेभसाईड अपडेट, सूचनाहरु सार्वजनिक गर्ने र छलफल गर्ने काम गैससहरुले बढी गरेको बताएका हुन । उनीहरुले मिडियासँगको सहकार्य, सूचनापार्टीको प्रयोग, गुनासो सुनुवाईमा गैससले ध्यान दिएको बताए । गैससकर्मीहरु खेटराज दाहाल, नवराज पहाडी, पवन पाख्रिन लगाएतले त्यस्तो बताएका हुन ।
गैसस महासंघका अध्यक्ष वेदराज दाहालले सरकारी निकायले गैससलाई प्रतिस्पर्धि नसम्झन र सहयोगीका रुपमा लिन आग्रह गरेका छन । उनले सबै गैससलाई अपारदर्शी र जवाफदेहिता विहिन नसम्झन आग्रह गरे ।
यस्तै कार्यक्रममा जिल्ला प्रशासन कार्यालय सिन्धुलीका सूचना अधिकारी उपेन्द्र न्यौपानेले काम नगर्नका लागि सामाजिक जवाफदेहिताको औजार प्रयोग नगर्न गैससकर्मीहरुलाई आग्रह गरेका छन । उनले पारदर्शिता कागजमा नभई व्यवहारमा लागु गर्न पनि आग्रह गरे ।
गैह्र सरकारी संस्था महासंघ सिन्धुलीका अध्यक्ष वेदराज दाहालको अध्यक्षतामा भएको कार्यक्रममा नेपाल पत्रकार महासंघका उपाध्यक्ष बिमला पाण्डेले सञ्चारमाध्यम र सञ्चारसंस्थासँगको सहकार्यमा सामाजिक जवाफदेहिताका औजारको प्रयोग गर्न आग्रह गरेकी छिन । उनले भनिन, ‘गैसस र सरकारी निकायले जवाफदेहिताका लागि मिडियासँग सहकार्य गर्न आवश्यक छ ।’ सरकारी निकायले आफ्ना वेवसाईडमा नीति तथा कार्यक्रम, बार्षिक प्रतिवेदनहरु समेत नराख्ने गरेको उनले बताईन ।
कार्यक्रमको सहजीकरण ट्रान्सपरेन्सी इन्टरनेशनल नेपाल सिन्धुलीका जिल्ला अधिकृत गंगा सत्याल (घिमिरे) ले गरेकी थिईन ।
