सिन्धुली । यहाँको एक डेरी सञ्चालकले आफ्नो जन्मदिनका अवसरमा अनाथ बालबालिकालाई खिर तरकारी खुवाएका छन ।
कोशेली डेरी सिन्धुलीका सञ्चालक नवराज गजुरेलले कमलामाई नगरपालिका वडा नं. ४ ढुंग्रेवासमा रहेको शैलशिखर अनाथालयका बालबालिकालाई गजुरेलले जन्मदिनको अवसरमा खिर खुवाएका हुन ।
डेरीका प्रोपाईटर विमला काफ्ले र जन्मदिन परेका नवराज गजुरेलको उपस्थितिमा उनीहरुलाई खिर खुवाईएको हो । अनाथालयमै पुगेर १० जना बालबालिका र अनाथालय सञ्चालक दुई जना गरि १२ जनालाई खिर खुवाईएको हो ।
जन्मदिनमा फजुल खर्च गर्नु भन्दा बालबालिकालाई सहयोग गर्नु मानवीय हुने भन्दै गजुरेलले बालबालिकालाई १ लिटर दहि निशुल्क प्रदान गर्ने भएका छन ।
उनले शनिबार देखि नै अनाथालयका बालबालिकालाई दैनिक १ लिटर दहि निःशुल्क प्रदान गर्न थालेका छन । दहि हरेक दिन डेरीको गाडीले नै अनाथालयमा पु¥याईदिने पनि गजुरेलले बताए ।
