सिन्धुली । कमलामाई नगरपालिकाले निर्माण कार्य सम्पन्न भएका योजनाको अनुगमन सुर गरेको छ । नगरपालिकाको अनुगमन समितिले बुधबारदेखि अनुगमन सुरु गरेको हो । नगरपालिकाको आन्तरिक तथा अनुदान बजेटबाट सम्पन्न भएका योजनाको अनुगमन सुरु गरिएको कमलामाई नगरपालिका सिन्धुलीले जनाएको छ ।
गलबार नगरपालिकाले नगरभित्रका विकास निर्माणका योजना सञ्चालन गर्ने, चालु योजनालाइ सम्पन्न गर्ने र सम्पन्न योजनालाई फरफारक गर्ने निर्णय गरेपछि निर्माणको काम सकिएका योजनाको अनुगमन सुरु गरिएको नगरपालिकाका उपमेयर तथा नगर स्तरीय अनुगमन समितिका संयोजक मञ्जु देवकोटाले बताईन ।
उपमेयर मञ्जु देवकोटा र प्राविधिक टोलीले योजनाको अनुगमन थालेको हो । नगरपालिकाले बुधबार नगरपालिकाका वडा नं. ४, ५ र ६ मा निर्माण सम्पन्न भएका योजनाहरुको अनुगमन गरिएको छ । खानेपानी, सामुदायिक भवन, पर्खाल लगाएतका योजनाहरु अनुगमन गरिएको छ । अनुगमन गरिएका योजनाको फरफारकको काम अगाडि बढाइने उपमेयर देवकोटाले बताईन ।
