सिन्धुली । दुधौली नगरपालिका वडा नं. १ का वडाध्यक्ष गोविन्दप्रसाद पहाडीले नगरपालिकाले पठाएको २५ सय थान मास्कमा १ हजार गायब गरेका छन । नगरपालिकाले नगरपालिकाका १४ वटै वडामा २५ सय माक्र्स पठाएकोमा १ हजार माक्र्स गायव भएको हो ।
माक्र्स नगरपालिकाबाट वडाध्यक्ष पहाडीले नै लगेका थिए । उनले वडामा पुगेपछि माक्स १ हजार कम रहेको जानकारी गराएका थिए । नगरपालिकाले कपडाको माक्र्स उत्पादन गरी वडा मार्फत वितरण गरेको थियो र उक्त माक्र्स वडाध्यक्षहरुलाई वितरणको जिम्मा दिईएको थियो ।
वडा नं. १ मा पठाएको एक हजार माक्र्स गायव भएपछि नगरपालिकाले दोस्रो चरणमा आएको २ हजार मास्क कार्यपालिका सदस्य डिल्ली भुजेल मार्फत वडामा वितरण गरिएको थियो । वडाध्यक्ष पहाडीले संकटमा पठाएको १ हजार मास्क नै गायब गरेपछि नगर प्रमुख घनश्याम राउतले कार्यपालिकाका सदस्य डिल्ली भुजेल मार्फत सबै टोलमा समानूपातिक ढगंले विभिन्न टोल सुधार समितिका पदाधिकारीहरु मार्फत माक्र्स वितरण गर्न पठाएका थिए ।
नगरपालिकाका कार्यपालिका सदस्य डिल्ली भुजेलको नेतृत्वमा नमूना टोल सुधार समिति अध्यक्ष पुष्पराज काफ्ले, सुन्दरेश्वर टोल सुधार समितिका अध्यक्ष तिर्थराज अधिकारी, जनजाति टोल सुधार समितिका अध्यक्ष आशाराम माझी, मिलीजुली टोल सुधार समितिका अध्यक्ष हेमा पहाडी, वडाध्यक्ष गोविन्द प्रसाद पहाडी, समाजसेवी दिनेश सापकोटा, रमेश काफ्ले र कार्यपालिका सदस्य भुजेल मार्फत वितरण गरिएको छ ।
दोस्रो चरणको माक्र्स साविक हत्पते ७ मा ४०० थान, हत्पते ८ मा ८०० थान, हत्पते ९ मा ७०० थान र हत्पते १ मा १०० थान वितरण गरिएको छ ।
हराएको १ हजार माक्र्स कांग्रेसका कार्यकर्तालाई वितरण गरेको बुझिएको छ । पहाडी नेपाली कांग्रेसबाट निर्वाचित वडाध्यक्ष हुन ।
माक्र्स गायव गरेको आरोप लागेका वडा अध्यक्ष पहाडीले भने आफुले माक्स नलुकाएको बताए । उनले आफुले १५ सय मात्र माक्स प्राप्त गरेको बताए । उनले नगरपालिकाले एकद्धार प्रणाली मार्फत माक्र्स वितरण गर्ने निर्णय गरेर आफै कार्यपालिका सदस्यलाई वडामा खटाएको आरोप लगाए । उनले अनावश्यक विषयमा जनतामा भ्रम नछर्न नगरपालिकालाई आग्रह गरे ।
