सिन्धुली । कमलामाई नगरपालिकाले स्थापना गरेको नगर प्रकोप व्यवस्थापन कोषमा नगरपालिकाले १२ लाख ६१ हजार १७९ रुपैंया जम्मा गरेको छ । नगरपालिकाले सोमबार प्रकोप व्यवस्थापनका लागि कोष खडा गरेको थियो ।
यस्तै उक्त कोषका लागि कमलामाई नगरपालिका वडा नं. ७ स्थित माझीटारमा रहेको शिद्दवावा अंग्रेजी मा.विका प्रधानध्यापक राजेश मास्कलेले विद्यालयको तर्फवाट २७ हजार १५० रुपैंया प्रदान गरेका छन । उनले विश्वभर महामारीका रुपमा फैलिएको कोरोना भाईरसको प्रकोप नियन्त्रणका लागि उक्त रकम हस्तान्तरण गरिएको हो ।
यस्तै कमलामाई नगरपालिकामा कार्यरत सम्पूर्ण कर्मचारीको तर्फवाट संघीय सरकारले गरेको निर्णय वाहेक एक दिनको तलव वापतको रकम सहयोग गर्ने निर्णय भएको कमलामाई नगरपालिकाले जनाएको छ ।
नगरपालिकाले कमलामाई नगरपालिकाको राष्ट्रिय वाणिज्य वैंकमा रहेको कमलामाई नगरपालिका प्रकोप व्यवस्थापन कोष खाता नं. १०६०३०५०४९४०२ मा रकम जम्मा गर्न सकिने भन्दै फेसबुक पेजमा अनुरोध समेत गरेको छ ।
