सिन्धुली । कमलामाई नगरपालिका ९ भिमानमा शुक्रबारबाट सुरु भएको सहिद ऋषिराज देवकोटा ‘आजाद’ स्मृति फुटवल प्रतियोगितामा आयोजक भिमान युवा क्लव विजयी भएको छ ।
प्रतियोगिताको उद्घाटन खेलमा भिमान युवा क्लवले नव प्रतिभा युवा क्लव मिलनचोकलाई २–१ को गोल अन्तरले पराजित गरेको भिमान युवा क्लवका सचिव दिनेश न्यौपानले जानकारी दिए ।
कमलामाई नगरपालिका सिन्धुलीको प्रायोजन तथा नेपाल आईसको सह–प्रायोजनमा आयोजना गरिएको प्रतियोगिता नक आउट चरणमा खेलाईएको छ ।
प्रतियोगितामा १६ टिमले खेलमा सहभागिता जनाउने छन । सिन्धुलीका ९ टिम र अन्य सात जिल्लाका ७ टिम गरि ८ जिल्लाका १६ टिमको सहभागिता रहने आयोजकले जानकारी दिएको छ । प्रतियोगितामा सिन्धुली, महोत्तरी, धनुषा, रामेछाप, ललितपुर, सुनसरी, धनकुटा, बारा जिल्लाका क्लबहरुको सहभागिता हुने आयोजकले जनाएको छ ।
शनिबार दुधौली एकता युवा क्लव–बदरहुड युवा क्लव र एफसि सिमरा–न्यु स्टार युवा क्लव रामेछाप बीच खेल हुनेछ ।
प्रतियोगितामा पहिलो हुनेले १ लाख ७५ हजार नगद पुरस्कार सहित शिल्ड, मेडल र प्रमाण–पत्र प्राप्त गर्नेछ। दोस्रो हुनेले ७५ हजारका साथमा शिल्ड, मेडल र प्रमाण–पत्र प्राप्त गर्ने आयोजकले जनाएको छ । प्रतियोगिता कात्र्तिक ९ गते समापन हुनेछ ।
