आजाद स्मृति फुटवल प्रतियोगिता, एकता क्लब र एफसि सिमरा विजयी

सिन्धुली । सहिद ऋषिराज देवकोटा (आजाद) स्मृति फुटवल प्रतियोगिताको दोस्रो शनिवार दिन २ खेल सम्पन्न भएका छन । कमलामाई नगरपालिका ९ भिमानमा भईरहेको फुटवल प्रतियोगितामा शनिबार विहान भएको खेलमा दुधौली एकता क्लब दुधौली र दिउँसो भएको खेलमा एफसि सिमरा विजयी भएका हुन ।

शनिबार विहान भएको खेलमा दुधौली एकता क्लबले व्रोर्दर हुड सिन्धुलीसँग खेलेको थियो । उक्त प्रतिस्पर्धामा दुधौली एकता क्लबले बोर्दरहुडलाई २–१ गोल अन्तरमा पराजित ग¥यो ।

यस्तै दिउँसो भएको खेलमा एफसी सिमराले न्यु स्टार रामेछापसँग प्रतिस्पर्धा गरेको थियो । एफसीले न्यु स्टारलाई २–१ गोल अन्तरले हराउँदै विजयी भएको थियो । नकआउट खुला प्रतियोगिताको तेस्रो दिन पनि २ खेल हुने तालिका रहेको आयोजक भिमान युवा क्लबका सचिव दिनेश न्यौपानेले बताएका छन ।

Advertisement. Scroll to continue reading.