सिन्धुली । विश्वेश्वरप्रसाद कोइरालाको ३७ औं स्मृति दिवसका सन्दर्भमा नेपाल विद्यार्थी संघ सिन्धुलीले शुक्रबार सिन्धुलीमाढीमा रक्तदान गरेको छ । रक्तदानमा नेपाली कांग्रेस सिन्धुलीका सभापति उज्ज्वल बरालसहित २१ जनाले रक्तदान गरे ।
नेपाली साहित्यमा मनोवैज्ञानिक यथार्थवादी धाराका प्रवर्तकका रुपमा चिनिने बीपीका डेढ दर्जन कृति प्रकाशित छन् । उहाँका तीन घुम्ती, मोदी आइन, हिटलर र यहुदी, सुम्निमा, नरेन्द्रदाइ एवं बाबु, आमा र छोरा’ गरी छ उपन्यास प्रकाशित भएका छन् । त्यसैगरी, श्वेत भैरवी र दोषी चस्मा गरी दुई कथा संग्रह एवं हरिप्रसाद शर्माको सम्पादनमा विश्वेश्वरप्रसाद कोइरालाका कथा र कविता प्रकाशित छन् ।
उनको आत्मवृत्तान्त, सुन्दरीजल बन्दी गृहमा बस्दाको दैनिकीमा आधारित जेल जर्नल प्रकाशित छन् । वि.सं. २०३३ पुस १६ गते राष्ट्रिय एकता र मेलमिलापको नीति लिएर बीपी स्वदेश फर्केका थिए ।
बीपी नेतृत्वको सरकारलाई राजा महेन्द्रले वि.सं. २०१७ पुस १ गते सैनिक शक्तिको भरमा अपदस्त गरेका थिए । त्यो बेला तरुण दलको कार्यक्रमबाट पक्राउ परेका बीपीलाई सिंहदरबारमा लगेर थुनिएका थिए ।
