सिन्धुली । नेपाल कम्युनिष्ट पार्टी तीनपाटन गाउँपालिकाले गाउँपालीका अध्यक्ष कर्ण बहादुर थापा मगरले नेकपालाई सुनियोजित रुपमा बदनाम गराउन लागि परेको आरोप लगाएको छ ।
बिहिबार एक प्रेस विज्ञप्ति जारी गर्दै गाउँपालीका अध्यक्षले राजनैतिक पुर्वाग्रह राखी काम गरेको र आफु निकटका कार्यकर्तालाई उपभोक्ता समितिमा राखी नभएको कामको पनि भुक्तानी गरेको आरोप लगाएको छ ।
‘गाउँपालिका अध्यक्षले आफै प्रोपाईटर भएको थापा कन्ट्रक्सन र निजका नजिकका ब्यक्तिको नाममा रहेको दाहाल कन्ट्रक्सनलाई आफैले प्रयोग गरी निर्माण कार्य सम्पन्न नै नभई पुरा भुक्तानी दिइएको छ’ नेकपा तिनपाटन गाउँपालिका अध्यक्ष छत्रबहादुर दाहाल र सचिव आनन्द कार्कीद्वारा हस्ताक्षरीत विज्ञप्तिमा उल्लेख गरिएको छ ।
वडा नं ११ बासिले निःशुल्क एक विगाह जग्गा दिदा पनि नलिएर सरकारी वन क्षेत्रको पर्ति जग्गामा रातारात मेसिन लगाई कम नै नभई एक करोड रुपैंया भ्रष्ट्राचार गरेको विज्ञप्तिमा जनाईएको छ ।
उपभोक्ताहरुलाई भुक्तानी दिन सताउने गरेको, उपभोक्तालाई आफ्ना मानिसको मिसिन प्रयोग गर्न दवाव दिने र प्रयोग नगरे १० प्रतिशत रकम माग गर्दै आएको विज्ञप्तिमा भनिएको छ । चैत २८ गतेको घटना अध्यक्षको कार्यशैलीको उपज भएको र पार्टीको निर्देशनमा कुनै पनि काम नभएकाले उक्त घटनाको जिम्मेवारी गाउँपालिका अध्यक्ष स्वयंले लिनु पर्ने विज्ञप्तीमा उल्लेख छ ।
हेर्नुहोस् विज्ञप्तीको पूर्णपाठ
