सिन्धुली । नेपाल यातायात स्वतन्त्र मजदुर संगठनको कमलामाई नगर कमिटीमा राजीब बाबु देवकोटा सर्बसम्मत चयन भएका छन् ।
आइतबार सिन्धुलीमाढीमा आयोजित प्रथम भेलाले देवकोटाका अध्यक्षतामा ११ सदस्यीय नगर कमिटी चयन गरेको हो । जसको उपाध्यक्षमा जानुका गौतम, सचिवमा सुर्य विश्वकर्मा, सह सचिवमा कमल अधिकारी, कोषाध्यक्षमा सरिता सुनुवार रहेका छन् । यसैगरी सदस्यहरुमा तिर्थ थापा, राजेश तामाङ, गंगा आले, शुसिला बस्नेत, शुभलाल मोक्तान र राम बहादुर वाइवा रहेका छन् ।
नेपाल यातायात स्वतन्त्र मजदुर संगठनका केन्द्रीय अध्यक्ष भिम ज्वाला राईको प्रमुख आतिथ्यता तथा नेपाल कम्युनिष्ट पार्टीका केन्द्रीय सदस्य उमा कोइरालाको विशिष्ठ आतिथ्यतामा भएको भेलामा नेकपाका जिल्ला नेताहरु, नेपाल मजदुर संगठनका केन्द्रिय उपाध्यक्ष, ३ नं. प्रदेश अध्यक्ष लगायतको सहभागिता रहेको थियो ।
यसैगरी आइतबारै संगठनका केन्द्रिय अध्यक्ष राइबाट कनपा ६ धुराबजार मा सगठनको कार्यालय उदघाटन समेत गरिएको छ ।
