बलियालाई खेद्न झुण्ड बन्छन
शक्तिशालीका विरुद्धमा गुट बन्छ
परिश्रमी, असलका विरुद्ध बन्ने नै गुट र झुट हो
निर्धाहरु, कायरहरु यसै यसै
झुट र गुटको स्याल हुइयाँ गरिरहन्छन
आफुलाई श्रमजीवि बनाउन सक्दैनन
जुध्न भिड्न प्रतिस्पर्धामा नसकेपछि
झुण्ड, झुण्ड बन्छन
गीत बनाउँछन, गाउँछन
काम गर्ने समय नभएर होर ?
नियत खराब हो
आखिर काममा प्रतिस्पर्धा गर्ने आँट छैन
सिप निखार्ने समय छैन
कुरा ग¥यो, कुरा लायो, एक अर्कालाई जुधायो
सफलता त्यसैमा मिल्छ भन्छन
सिंह सिंह नै हो आफ्नो बाटो छोड्दैन
जति नै स्यालहरु कराए पनि
सत्य सत्य नै हो, झुक्दैन
जति असत्यको भिड बढे पनि
आखिर गन्तव्यमा त त्यहि पुग्छ
जसले समय, सिप, श्रम चिनेको छ
सफल त त्यहि हुन्छ
जो निरन्तर निस्वार्थ कर्ममा लागिरहन्छ ।
झुटको खेति गर्ने
गुटको खेति गर्ने आफै सकिदैं जान्छन ।
उनीहरु त आखिर दुःख दिने मात्र हो
सत्य, साहसी र क्षमतावानलाई निखार्ने मात्र हो
विरोधका नाममा बलियो बनाईरहेका हुन्छन
सिध्याउने नाममा मजबुत बनाईरहेका हुन्छन
अहिले यस्तै स्याल हुईयाँ र चाकडीबाजको जमाना छ
गुट, टुट, फुट गराउने र भिडाउनेहरुको जगजगी छ
प्रगति विरोधीहरु बढी रहेछन
तर सिंह जति नै खेदे पनि सिंह हो ।
स्याल हुदैन, स्याल स्याल नै हो सिंह हुँदैन
स्याल झुण्डलाई चेतना भया
