सिन्धुली । नेकपा एमालेको आठौं जिल्ला अधिवेशनबाट एक पदाधिकारी सहित ३८ जना निर्विरोध निर्वाचित भएका छन । निर्वाचनमा केहि कलस्टरहरु तथा भुगोलमा पदाधिकारी तथा सदस्यहरु निर्विरोध निर्वाचित भएका हुन । एक पदाधिकारी र ३७ सदस्य सहित ३८ जना निर्विरोध निर्वाचित भएको निर्वाचन समितिले जनाएको छ ।
सिन्धुलीमाढीमा सम्पन्न अधिवेशनबाट पदाधिकारीमा लेखा समितिको अध्यक्षमा सञ्जय दाहाल निर्विरोध निर्वाचित भएका छन । अपांगता कलस्टरबाट धनजंग थापा निर्विरोध निर्वाचित भए । दलितको खुल्लामा बिमल विश्वकर्मा, लोपोन्मुख कलस्टरको खुल्लामा झलक बहादुर माझी र नारायण बहादुर अधिकारी, लोपोन्मुख महिलामा भद्रीमाया हायु निर्विरोध निर्वाचित भए । खुल्ला युवा महिलामा खिल कुमारी मगर निर्वाचित भईन ।
यस्तै भुगोलतर्फ फिक्कल गाउँपालिकामा खुल्ला, महिला, युवा गरि ७ वटा सदस्य निर्विरोध निर्वाचित भएका छन । खुल्ला तर्फ धमिन्द्र दमाई (छत्र), जय प्रसाद न्यौपाने, वैकुण्ठलाल पहाडी, गोपाल बहादुर मगर आले निर्वाचित भए । महिलातर्फ राधिका पहाडी र सकुन्तला दाहाल भण्डारी निर्वाचित भए भने युवामा कुलेन्द्र बहादुर मगर निर्वाचित भए ।
घ्याङलेख गाउँपालिकाका दुई खुल्ला र एक महिला सदस्य निर्विरोध निर्वाचित भएका छन । खुल्लामा अच्युत कुमार श्रेष्ठ, डिवि बल र महिलामा प्रमिला वाईवा निर्वाचित भएका हुन ।
मरिण गाउँपालिकामा पनि सबै सदस्य निर्विरोध निर्वाचित भएका छन । पाँच वटा कोटा प्राप्त मरिण भुगोलबाट खुल्ला सदस्यमा देवकुमार घिसिङ, मदनकुमार थापा, महिला सदस्यमा सर्मिला कुमारी माझी, दिपकुमारी सिंजाली र युवामा पाल्साङ बम्जन निर्विरोध निर्वाचित भएका छन ।
हरिहरपुरगढी गाउँपालिकाका पाँच भुगोल सदस्य निर्विरोध भएका छन । खुल्लामा मेघराज राई, युवराज श्रेष्ठ, इन्द्र बहादुर थिङ, महिलामा अम्बिका राई, युवामा दिपककुमार माझी निर्विरोध निर्वाचित भएका छन ।
तिनपाटन भुगोलबाट तीनजना महिलाहरु निर्विरोध निर्वाचित भएका छन । खगेन्द्र कुमारी अधिकारी, पार्वती लामिछाने सार्की र देवमाया श्रेष्ठ निर्वाचित भएका हुन । सुनकोशी भुगोलमा पनि महिला निर्विरोध निर्वाचित भएका छन । कमर्की शेर्पा र गौरा देवकोटा बराल निर्वाचित भए । यस्तै सुनकोशीबाट युवामा ध्रुवनारायण लामा निर्वाचित भए । दुधौली नगरपालिकामा पनि युवा कलस्टरका सदस्य निर्विरोध भएका छन । दुधौलीबाट सम्भुदिप अधिकारी र मिजास कार्की निर्विरोध निर्वाचित भएका हुन ।
गोलञ्जोर गाउँपालिकाबाट महिला र युवा कलस्टरका ३ जना निर्विरोध निर्वाचित भएका छन । महिलामा आशा श्रेष्ठ, लक्ष्मी शर्मा गौतम निर्वाचित भए भने युवामा रमेश भुजेल निर्वाचित भए । यस्तै जनजाती युवा कलस्टरमा भने उमेदवारी नै परेको छैन । ६६ सदस्य पदका लागि भएको निर्वाचनको मतगणना बैशाख २ गतेबाट हुने भएको छ । एकसय ५ जिल्ला कमिटी हुने सिन्धुलीमा एक सय पदका लागि मात्र निर्वाचन गरिएको थियो भने पाँच पद खाली राखिएको थियो ।
