सिन्धुली । नेपाल रेडक्रस सोसाईटी सिन्धुलीले ५३ औं बार्षिक साधारणसभा शनिबार सिन्धुलीमाढीमा सम्पन्न गरेको छ । नेपाल रेडक्रस सोसाईटी सिन्धुलीका सभापति अशोक श्रेष्ठको अध्यक्षता तथा बागमति प्रदेशका आन्तरिक मामिला तथा कानुन मन्त्री गंगानारायण श्रेष्ठको प्रमुख आतिथ्यतामा सम्पन्न साधारणसभामा रेडक्रसका विभिन्न अभियानमा सहयोग पु¥याउने संघसंस्था, उत्कृष्ट काम गर्ने शाखा तथा उत्कृष्ट कर्मचारी, स्वयम्सेवक लगाएतलाई सम्मान गरिएको छ ।
कार्यक्रममा एकवर्षमा रक्तदान कार्यक्रम गरि रक्तसञ्चार केन्द्रलाई सहयोग गर्ने ३३ वटा संघ संस्थालाई सम्मान गरेको छ ।
त्यस्तै आँखा स्वास्थ्य कार्यक्रम तर्फ आँखा शिविर सञ्चालनमा सहयोग गर्ने १४ वटा उपशाखाहरुलाई समेत साधारणसभाको अवसरमा सम्मान गरिएको छ ।
साधारणसभाको अवसरमा स्वयम्सेवकका रुपमा रेडक्रसको कार्यसम्पादनमा सहयोग गर्ने रेडक्रसकर्मीलाई समेत कार्यक्रममा सम्मान गरिएको छ । यसरी सम्मानित हुनेमा रामजी सुवेदी, मेनुका सुवेदी भोला प्रसाद अधिकारी, बैकुण्ठ प्रसाद पहाडी, शान्ता मैनाली, डिल्ली बहादुर घिमिरे कालीदास श्रेष्ठ र दिपकराज ढकाललाई सम्मान गरिएको हो । उनीहरु निवर्तमान कार्यसमितिका पदाधिकारी तथा सदस्यहरु हुन ।
यस्तै उत्कृष्ट सदस्यता वृद्धिमा काम गर्ने सुनकोशी उपशाखा र मझुवा उपशाखा पनि सो अवसरमा ३ हजार नगद सहित सम्मानित भएका छन । यस्तै उत्कृष्ट काम गर्ने उपशाखाहरुलाई पनि सो अवसरमा सम्मानित भए ।
कार्य सम्पादनमा सुनकोशी उपशाखा प्रथम, माढीबजार उपशाखा द्धितिय र सोल्पाठाना उपशाखाले तृतिय पुरस्कार प्राप्त गरे । प्रथम हुनेले १० हजार, द्धितिय हुनेले ५ हजार र तृतिय हुनेले ३ हजार नगद पुरस्कार सहित सम्मान प्राप्त गरेका छन ।
कार्यक्रममा उत्कृष्ट कर्मचारीको पुरस्कार विनुजा बस्नेत र खड्ग बहादुर श्रेष्ठलाई प्रदान गरिएको छ भने उत्कृष्ट स्वयमसेवक पुरस्कार सुनकोशी उपशाखाका सभापति मणिराम आचार्यले प्राप्त गरे । सम्मानित हुने तथा पुरस्कृत हुनेहरुलाई वागमति प्रदेशका आन्तरिक मामिला तथा कानुन मन्त्री गंगानारायण श्रेष्ठ र बागमति प्रदेश सभा सदस्य सुस्पा भुजेलले सम्मान गरेका थिए ।
