सिन्धुली । पेशागत महासंघ कमलामाई नगर समितिको प्रथम अधिवेशनबाट मेघ बहादुर भुजेल अध्यक्षमा निर्वाचित भएका छन् । पेशागत महासंघ सिन्धुलीका अध्यक्ष वविन्द्रलाल माझीको अध्यक्षता तथा पेशागत महासंघ नेपालका केन्द्रीय महासचिव केदारप्रसाद देवकोटाको प्रमुख आतिथ्यतामा शनिबार सिन्धुलीमाढीमा सम्पन्न अधिवेशनबाट भुजेलको अध्यक्षतामा ११ सदस्यीय नयाँ कार्यसमिति चयन गरिएको छ ।
जसको उपाधयक्षमा विरबहादुर भुजेल, शशी थापा, सचिवमा नविन लामिछाने, सहसचिवमा हेमन्ती राजभण्डारी र कोषाध्यक्षमा शान्ता आले निर्वाचित भएका छन । यस्तै सदस्यमा ज्ञान बहादुर खड्का, निर्मला कुमारी पाल्पाली, हेम बहादुर खड्का, रेवति राज देवकोटा र सविता राउत चयन भएका छन ।
कार्यक्रममा नेकपा एमालेका उपाध्यक्ष कर्ण घिसिङ, नेकपा एमाले कमलामाई नगर कमिटीका अध्यक्ष महेन्द्रदेव श्रेष्ठ, पेशागत महासंघका केन्द्रीय सदस्य धनमाया राई, नेपाल राष्ट्रिय शिक्षक संगठनका केन्द्रीय सदस्य पुरुषोत्तम पहाडी लगाएतको उपस्थिति रहेको थियो ।
पेशागत महासंघका उपाध्यक्ष चेत प्रसाद तिमल्सिनाले स्वागत गरेको कार्यक्रमको सञ्चालन सचिव गुण विक्रम कुवँरले गरेका थिए ।
