सिन्धुली । मदनभण्डारी राजमार्गको दुधौली कटारी खण्डमा आइतबार एम्बुलेन्सले अटोलाई ठक्कर दिँदा ६ जना घाईते भएका छन ।
दुधौली नगरपालिका वडा नं. ८ तिनकुनेमा दुधौलीबाट कटारी तर्फ जाँदै गरेको स१ह३३७७ नम्बरको अटोलाई कटारीबाट दुधौलीतर्फ आउँदै गरेको ३–०१–०२३च४७१५ नम्बरको एम्बुलेन्सले ठक्कर दिएको थियो ।
दुर्घटनामा अटो चालक दुधौली नगरपालिका वडा नं. ७ का अर्जुन के.सी, दुधौली नगरपालिका वडा नं. ७ का निरज खत्री, समिक्षा अधिकारी, कल्पना खत्री, विनिता श्रेष्ठ र बल बहादुर थापा मगर घाईते भएका छन ।
Advertisement. Scroll to continue reading.
घाईते पाँचजनालाई उपचारका लागि धुलिखेल अस्पताल लगिएको छ भने एकजना सामान्य घाईते बलबहादुर थापा मगरको स्थानीय हेम्स हस्पिटलमा उपचार भईरहेको जिल्ला प्रहरी कार्यालय सिन्धुलीका एसपी राजकुमार सिलवालले जानकारी दिएका छन ।
फेसबुक मार्फत प्रतिकिया दिनुहोला
