सिन्धुली । चन्द्रमुखी टोल विकास संस्था कनपा ५ मधुटारको अध्यक्षमा प्रलाद पोखरेल निर्विरोध निर्वाचित भएका छन । संस्थाको शनिबार सम्पन्न सातौं साधारणसभा तथा तेस्रो अधिवेशनबाट पोखरेल अध्यक्षमा निर्वाचित भएका हुन ।
टोल विकास संस्थाका कार्यवाहक अध्यक्ष सिता सत्यालको अध्यक्षता तथा कमलामाई नगरपालिकाका कार्यपालिका सदस्य जमुना श्रेष्ठको प्रमुख आतिथ्यतामा भएको साधारणसभाबाट पोखरेलको अध्यक्षतामा १५ सदस्यीय नयाँ कार्यसमिति चयन गरिएको हो ।
संस्थाको वरिष्ठ उपाध्यक्षमा सिता सत्याल, उपाध्यक्षमा सूर्य क्षत्री, सचिवमा बिमला पाण्डे, सहसचिवमा निर्मला रम्तेल र कोषाध्यक्षमा सुगन्धा सत्याल निर्विरोध निर्वाचित भएका छन ।
यस्तै नवनिर्वाचित कार्य समितिको सदस्यमा कृष्ण बहादुर श्रेष्ठ, घनश्याम दाहाल, हर्क नारायण श्रेष्ठ, भागीरथि श्रेष्ठ, अनिता के.सी, चन्दा गुरुङ, जयन्ती के.सी, उर्मिला काफ्ले र मञ्जु कर्ण चयन भएका छन ।
कार्यक्रममा कोषाध्यक्ष सुगन्धा सत्यालद्वारा प्रस्तुत आर्थिक प्रतिवेदन पास गरिएको छ भने विधान संशोधन समेत गरिएको छ ।
कार्यक्रमको उद्घाटनमा संस्थाका सल्लाहकारहरु प्रलाद पोखरेल, द्वारिका काफ्ले, जनार्दन कोईराला, अनन्त न्यौपाने, पत्रकार बिमला पाण्डे लगाएतले मन्तव्य व्यक्त गरेका थिए ।
कार्यक्रममा चार जना जेष्ठ नागरिकलाई सम्मान गरिएको छ । धनकुमारी काफ्ले, गंगा दाहाल, खिन बहादुर शाहि, भैरव बहादुर कार्कीलाई सम्मान गरिएको छ । उनीहरुलाई दोसल्ला ओढाई सम्मान गरिएको हो ।
कार्यक्रममा बोल्दै कार्यपालिका सदस्य जमुना श्रेष्ठले टोलका आवश्यकतालाई पहिचान गरि विकासका योजना अगाडि बढाउन आग्रह गरिन । उनले नगरपालिकाले संस्थागत विकास र वातावरणको संरक्षणमा हातेमालो गर्ने समेत बताईन ।
कार्यक्रममा नवनिर्वाचित अध्यक्ष प्रलाद पोखरेलले टोलको विकासमा सबै टोलबासीको महत्वपूर्ण योगदान र साथ रहने बताए । उनले टोललाई व्यवस्थित गर्न टोल विकास संस्था लागि पर्ने बताए ।
