सिन्धुली । सिन्धुली क्षेत्र नम्वर २/१ का नेकपा एमालेका तर्फबाट प्रदेशसभा सदस्यका उमेदवार विनोद कुमार खड्काले आफ्ना क्षेत्रका मतदाता शिक्षक र विवेक प्रयोग गर्न सक्ने भएकाले कसैको प्रलोभनमा नपर्ने बताएका छन ।
उनले जिल्ला सदरमुकाम समेत रहेको यस क्षेत्रका नागरिकले मान्छेको योग्यता र क्षमता हेरेर मतदान गर्ने बताएका छन । उनले आफु यसै क्षेत्रको सदरमुकाममा जन्मे हुर्केकाले यस क्षेत्रका नागरिकसँग परिचित नै हरेकाले आफुले यहाँका नागरिकले आफुलाई मतदान गर्नेमा आफु ढुक्क रहेको बताएका छन । उनले कमलामाई नगरपालिका २को घरदैलो कार्यक्रममा बोल्दै यस्तो बताएका हुन ।
जिल्ला सदरमुकाम समेत रहेको यस प्रदेशसभा निर्वाचन क्षेत्रका नागरिकले यस अधिपनि विनोद खड्काले गरेका कामहरु हेरी सकेकाले यस क्षेत्रको विकासको आगी अधिल्लो पटक गरेका कामको मुल्याङ्कन गर्दै नेकपा एमालेको सुर्य चिन्हमा मतदान गरी विजयी गराउनेमा आफु आशाबादी रहेको बताए ।
आफुले अधिल्लो पटक प्रदेशसभा सदस्य भएर काम गर्दा यस क्षेत्रका करिव एक दर्जनको संख्यामा पुल, महाभारत क्षेत्र कमलामाई नगरपालिकाको वडा नम्वर ३ मा दुई वटा ठुला सडक र सुनकोशि गाउँपालिकाको महाभारत क्षेत्रमा सडक पक्की सडक संजालको निर्माणको कार्य सुरु गरेको बताए । कमलमाई नगरपालिका ७को हुदँै महाभारत जोड्ने सडक, कमलामाई नगरपालिका ७ हुदैँ तीनपाटन गाउँपालिका जाने डबल ल्याडको सडक निर्माणको ठेक्का प्रक्रिया सकि निर्माणको सुरु भएपनि केही प्राविधिक कारणले अहिले त्यसले गति लिन नसकेको स्मरण गर्दै त्यस्ता अधुरा योजनाहरु पुरा गर्न पनि आफु पून प्रदेशसभा सदस्यको लागी निर्वाचनमा होमिएको बताए ।
उनले आफुले जिल्ला सदरमुकाम रहेको ग्वाङखोलामा मात्र ढुङग्रेवास, गैरीबजार र कारागार जाने स्थानमा पक्की पुल निर्माण गर्न सफल भएको बताए । यसैगरी कमलामाई नगरपालिका ९ र १० जोड्ने गरी कमलाखोलामा पनि ठुलो पुलको ठेक्का प्रक्रिया सम्पन्न भई करिव ३० प्रतिशत निर्माण कार्य समेत सम्पन्न भईसकेको बताए ।
आफु प्रदेशसभा सदस्य भएको वेला वागमति प्रदेश सरकारबाट सवैभन्दा बढी बजेट ल्याउने प्रदेश विर्नाचन क्षेत्रका रुपमा परिचित थियो , यस प्रदेश निर्वाचन क्षेत्रमा अझै धेरै काम गर्न बाँकी रहेकाले यस पटक आफु प्रदेशसभा सदस्यको निर्वाचनमा नेकपा एमालेको तर्फबाट उमेदवार बनेको बताए ।
यस क्षेत्रका नागरिक अन्य क्षेत्रका भन्दै धेरै शिक्षक र विवेक प्रयोग गर्न सक्ने भएकाले यहाँका नागरिक दलिय हैषियत भन्दा माथि उठेर आफुलाई मतदान गर्नेमा आफु विश्वस्त रहेको बताए । यहाँका नागरिक कहि कसैको प्रलोभनमा नपर्ने भएकाले आफ्नो जित सुनिश्चित रहेको यहाँका नागरिकहरुले प्रतिक्रिया दिएका छन, खड्काले भने ।
