सिन्धुली । नेकपा एमाले निकट अखिल नेपाल महिला संघ मरिण गाउँपालिकाको दोस्रो सम्मेलन सोमबार मरिणमा सम्पन्न भएको छ । सम्मेलनले सर्मिला माझीको अध्यक्षतामा ३५ सदस्यीय मरिण गाउँ कमिटी चयन गरेको छ । सम्मेलनले उपाध्यक्षमा वेल कुमारी जर्घा मगर, सचिवमा लिलामाया श्रेष्ठ, सह सचिवमा सुजिता सुनुवार र कोषाध्यक्षमा संगिता माझीलाई चयन गरेको छ ।
यस्तै सम्मेलनले विनिता आले, दिपा सिंजाली, दुर्गामाया राना, मनकुमारी ज्यान्द्रिस, पारु थिङ, गिता माझी, गंगा माझी, गिता माझी, राम्रीमाया गोले, लक्ष्मी दियाली, उमा माझी, रमिता माझी, मान कुमारी रसाईली, चित्र कुमारी पाख्रिन, असलीमाया थिङ, सितामाया पाख्रिन, प्रतिभा माझी, अनिता माझी, सविता माझी, पार्वती थापा मगर, जुना पन्त, मुना देवकोटा, दलमाया दाहाल, शुशिला बुढाथोकी, ललिता माझी, सृष्टि नेपाली, मञ्जु माझी, सरस्वति पन्त लगाएतलाई सदस्यमा चयन गरेको छ ।
संगिता माझीको अध्यक्षता एवम् अनेमसंघ केन्द्रीय सचिवालय सदस्य रस्मिला देवकोटाको प्रमुख आतिथ्यतामा सम्मेलन सम्पन्न भएको थियो ।
सम्मेलनमा बोल्दै प्रमुख अतिथि देवकोटाले महिलाको आर्थिक सामाजिक राजनीतिक अधिकार स्थापित गर्न अनेमसंघको आवश्यकता रहेको बताउँदै गाउँ गाउँका महिलाहरुलाई संघमा आवद्ध हुन आग्रह गरेकी छिन । उनले महिलाहरु सोंच परिवर्तन गर्दै नेतृत्वदायी भूमिका आउन आवश्यक रहेको बताईन । जसका लागि पुरुष र महिला हातेमालो गर्दै अगाडी बढ्न आवश्यक रहेको समेत बताएकी छिन ।
कार्यक्रममा बोल्दै नेकपा केन्द्रीय सदस्य उमादेवी कोइरालाले कम्युनिष्ट आन्दोलन विचारले चल्ने र महिला अधिकार स्थापित गर्नका लागि विचार सहितको राजनीतिक दलको आवश्यकता हुने बताईन । उनले महिला अधिकार स्थापित गर्न अनेमसंघ र नेकपा एमालेमा आवद्ध हुन समेत महिलालाई आह्वान गरेकी छिन । उनले एमाले कार्यकर्ताले बचाएको पार्टी भएको समेत दावी गरेकी छिन ।
‘अब बुलेटको हैन, व्यालेटको राजनीति गरौं’ : संविधानसभा सदस्य दर्लामी
कार्यक्रममा बोल्दै संविधासभा सदस्य एवम् नेकपा एमालेका प्रदेश सदस्य निरु दर्लामीले आफुहरुले परिवर्तनका लागि भन्दै जीवन जोखिममा राखेर बुलेटको राजनीति गरेपनि नेतृत्वका कारण उपेक्षित भन्दै अब व्यालेटको राजनीति गर्न सबैलाई आग्रह गरेकी छिन । उनले प्रचण्डले बन्दुक बोकाएर हत्या हिंसा गर्न उक्साएर कार्यकर्ता, जनता र देशको हितमा काम नगरि स्वार्थको राजनीति गरेको भन्दै अब विचारको राजनीतिमा आउन सबैलाई सुझाएकी छिन ।
‘जनयुद्धमा हिड्दा गणतन्त्र हेर्न पाउँछौं जस्तो लागेको थिएन, दिनमा हजारौं पटक मरेर बाँचेका थियौं, गणतन्त्र संस्थागत गर्न प्रचण्डले सकेनन् अब शान्तीपूर्ण, व्यालेट र विचारको राजनीतिमा भविष्य छ भन्ने देखिएको छ । जसको नेतृत्व केपी ओली नेतृत्वको एमालेले मात्र गर्न सक्छ ।’ दर्लामीले भनेकी छिन । माधव नेपाल र प्रचण्डका कारण देशमा अस्थिरता सृजना भएको उनले बताईन । उनी जनयुद्धकी सहिद परिवार हुन । उनीसँगै मरिण गाउँपालिकाका सहिद तथा घाईते परिवारका महिलाहरु अनेमसंघमा आवद्ध हुन थालेका छन ।
कार्यक्रममा बोल्दै अनेमसंघका केन्द्रीय सदस्य एवम् कमलामाई नगरपालिकाका उपमेयर मञ्जु देवकोटाले महिलाहरुलाई राज्यका हरेक तहमा समानुपातिक सहभागिता गराउनका लागि अनेमसंघले प्रशिक्षित गर्दै लानुपर्नेमा जोड दिईन । उनले निर्वाचनमा महिला उमेदवार तयार गर्न आग्रह समेत गरिन ।
यस्तै अनेमसंघका जिल्ला अध्यक्ष एवम् फिक्कल गाउँपालिका सिन्धुलीका उपाध्यक्ष पार्वती सुनुवारले गाउँ गाउँमा महिला नेताहरु तयार गर्दै अगाडी बढ्न आग्रह गरेकी छिन । उनले आगामी निर्वाचनमा मुख्य पदमा महिला पु¥याउन तयारी गर्न समेत आग्रह गरिन ।
कार्यक्रममा बोल्दै अनेमसंघ कमलामाई नगर कमिटीका अध्यक्ष बिमला पाण्डेले भुगोलबाटै महिला नेतृत्व स्थापित गर्न आवश्यक रहेको बताईन । उनले महिला मतदाता र महिला नेतृत्व स्थापित गर्दै महिला अधिकारका लागि अगाडि बढ्न आधार तयार गर्ने बेला भएको बताईन ।
कार्यक्रममा बोल्दै नेपाल राष्ट्रिय शिक्षक संगठनका सह कोषाध्यक्ष अभिलाषा कोईरालाले नेकपा एमालेको नेतृत्वको सरकारले गरेका काम, एमालेको नीति तथा कार्यक्रम लिएर गाउँ गाउँमा जान महिलाहरुलाई आग्रह गरेकी छिन । कार्यक्रममा अनेमसंघका जिल्ला सचिव पार्वती भट्टराई, नेकपा एमाले मरिण गाउँ कमिटीका अध्यक्ष हरिकुमार स्याङतान लगाएतले मन्तव्य व्यक्त गरेका थिए । कार्यक्रममा अनिता माझीले स्वागत गरेकी थिइन भने कार्यक्रमको सहजीकरण लिलामाया श्रेष्ठले गरेकी थिईन ।
