सिन्धुली । सिन्धुलीको प्रहरीले निशेधाज्ञा उलंघन गरि आवतजावत गर्ने सवारी साधन र व्यक्तिहरुलाई कारवाहि गरेको छ । सोमबार जिल्ला ट्राफिक प्रहरी कार्यालय सिन्धुलीले विपी निशेधाज्ञाको उलंघन गरि आवतजावत गर्ने २१ सवारी साधन र ६९ जना व्यक्तिलाई कारवाहि गरेको हो ।
निशेधाज्ञा उलंघन गरि अनुमति विना चलेका १९ वटा चार पांग्रे सवारी साधनलाई कोभिड १९ संकट व्यवस्थापन अध्यादेश २०७८ बमोजिम कारवाहि गरि गन्तव्य तर्फ पठाईएको जिल्ला प्रहरी कार्यालय सिन्धुलीले जनाएको छ ।
यस्तै बढी भाडा लिने एक सवारी साधनलाई भाडा फिर्ता गराई जरिवाना लिई गन्तव्य तर्फ पठाईएको छ । कारवाहिमा परेका सवारी साधनलाई प्रति सवारी पाँच हजार जरिवाना गर्ने अध्यादेशमा व्यवस्था रहेको छ । निशेधाज्ञा उलंघन गरेर हिडेकोमा जरिवाना गराई गन्तव्य स्थानतर्फ पठाइएको जिल्ला प्रहरी कार्यालय सिन्धुलीका डिएसपी मनोज कुमार लामाले बताए ।
यस्तै कारवाहिमा परेका सवारी साधनमा आएका ६९ जना व्यक्तिलाई पनि कोभिड १९ संकट व्यवस्थापन अध्यादेश अनुसार जनही २ सय रुपैंया जरिवाना तिराई छोडिएको लामाले बताएका छन ।
