सिन्धुली । जिल्ला आयुर्वेदिक स्वास्थ्य सेवा केन्द्रले कोभिड संक्रमितहरुलाई घरदैलोमै पुगेर परामर्श तथा मास्क तथा आयुर्वेदिक औषधि वितरण सुरु गरेको छ ।
बुधबार कमलामाई नगरपालिका वडा नं. ६ र ७ का कोभिड संक्रमितको घरदैलोमै पुगि आवश्यक परामर्श दिनुका साथै मास्क तथा आयुर्वेदिक औषधि वितरण गरेको हो । जिल्ला आयुर्वेद स्वास्थ्य केन्द्रका व्यवस्थापन समितिका अध्यक्ष सुन्दर घिसिङ, आयुर्वेदिक चिकित्सक सुनिल कवा र बैद्य ऋषिराज बरालले औषधि वितरण गरेका हुन ।
पिसिआर परिक्षण गरि संक्रमण पुष्टि भएका र घरमै उपचार तथा आराम गरि बसेका संक्रमितको अवस्था बुझ्न, हौसला प्रदान गर्न सुझाव दिईएको जिल्ला आयुर्वेद स्वास्थ्य केन्द्रका व्यवस्थापन समितिका अध्यक्ष सुन्दर घिसिङले बताएका छन ।
उनका अनुसार बुधबार १३ जना संक्रमितको घरमा पुगि सेवा दिईएको छ । यस्तै विहिबार नगरपालिकाका ४ र ५ मा रहेका संक्रमितको घरमा जाने कार्यक्रम रहेको उनले बताए । होम आईसोलेसनमा बसेका कोभिडका विरामीले सामान्य स्वास्थ्य मापदण्ड समेत पालना नगरेको पाईएको घिसिङले बताएका छन ।
यसैबीच केन्द्रले कोभिड संक्रमितलाई लक्षित गरि इम्युनिटि पावर बढाउने औषधिहरु वितरण सुरु गरेको र सकेसम्म धेरै परामर्श तथा आयुर्वेदिक औषधि पु¥याउने कोशिस गरिएको केन्द्रका प्रमुख ललिता पाण्डेले बताएकी छिन । उनका अनुसार कोभिडका समयमा सकेसम्म धेरै संक्रमित, संक्रमण जोखिममा रहेका वर्ग र उपचारपछिको अवस्थालाई समेत ध्यान दिई औषधि वितरण गरिएको छ । महामारीका समयमा विरामीको अवस्था हेरेर सहयोग गरिएको पनि उनले बताएकी छिन ।
