सिन्धुली । सरकारले पत्रकारलाई सरकारी अस्पतालमा निःशुल्क स्वास्थ्य उपचारको व्यवस्था गरेको छ । आगामी वर्ष २०७८÷०७९ को बजेटमार्फत सरकारी अस्पतालमा पत्रकारको निशुल्क उपचारको व्यवस्था सरकारले गरेको हो । नेपाल सरकारका अर्थमन्त्री विष्णु पौडेलले आर्थिक वर्ष २०७८/७९ को बजेटमा नेपाल पत्रकार महासंघको सदस्य रहेका पत्रकारलाई सरकारी स्वास्थ्य संस्थामा निशुल्क उपचारको व्यवस्था गर्ने घोषणा गरेका हुन् ।
पत्रकारको उपचारका लागि नेपाल पत्रकार महासंघ, प्रेस काउन्सिल लगायतका संस्थासँग मिलेर कार्य गरिने भएको छ । बजेटले सञ्चार गृहलाई सहुलियत कर्जाको व्यवस्था गर्नुका साथै ७ लाख बराबरको दुर्घटना विमाको समेत व्यवस्था गरेको छ । विमाका लागि ५० प्रतिशत प्रीमियम भने पत्रकार स्वयम्ले व्यहोर्नुपर्ने छ । ५० प्रतिशत रकम सरकारले व्यवस्था गर्ने छ ।
यस्तै सरकारले बजेट मार्फत कोरोना भाइरस महामारीबाट प्रभावित पत्रकारलाई लेखनवृत्ति व्यवस्था समेत गर्ने भएको छ । सरकारले बजेट मार्फत आमसञ्चार प्रशिक्षण प्रतिष्ठानको स्थापना गर्न बजेट विनियोजन गरेको छ । पत्रकार कल्याणकारी कोषमा लोककल्याणकारी विज्ञापनबाट १० प्रतिशत रकम जम्मा गरिने र कोषको रकम पत्रकारहरुका लागि अनुदान र राहत कार्यक्रममा खर्च गरिने भएको छ । उक्त कोषमा निजी क्षेत्रका सञ्चारमाध्यमहरुलाई योगदान गर्न अभिप्रेरित गरिने भएको छ ।
सरकारी विज्ञापनहरु साना ठूला र मोफसलका आम सञ्चारमाध्यमलाई न्यायपूर्ण ढँगले विज्ञापन वोर्ड मार्फत वितरण गरिने व्यवस्था मिलाइने भएको छ । सरकारले सबै प्रदेशमा सञ्चार ग्रामको स्थापना गर्ने, ललितपुरको खुमलटारमा सूचना प्रविधिमा आधारित राष्ट्रिय ज्ञान पार्कको स्थापना गर्ने लगाएतका सञ्चारसँग सम्बन्धित कार्यक्रम बजेटमा समावेश गरेको छ ।
डिजिटल नेपाल फ्रेम वर्क कार्यान्वयन गरि डिजिटल प्रविधिको माध्यमबाट विश्व अर्थतन्त्रमा आवद्ध हुदै फाइवर टु होम प्रविधिबाट ब्रोडव्याण्ड इन्टरनेट सेवा २ वर्षभित्र सबै स्थानमा पु¥याईने गरि बजेटको व्यवस्था गरिएको अर्थमन्त्री पौडेलले बजेट वक्तव्यमा उल्लेख गरेका छन । आगामी वर्षबाट फोर जी सेवा देशव्यापी रुपमा विस्तार गर्ने सरकारले कार्यक्रम ल्याएको छ ।
