सिन्धुली । के तपाई टेम्पु चढ्दै हुनुहुन्छ ? खल्तीमा पैसा छैन ? यति छैन भने पनि तपाईं चिन्ता नगर्नुहोस, सिन्धुलीमा अटो चढ्नप¥यो भने बैंकबाटै भाडा तिर्न सकिने छ । जसका लागि जिल्लाका अटोहरुले क्युआर कोर्ड लिएका छन । जुनसुकै बैंक खाताबाट अटोवालाको क्युआर कोर्डको प्रयोग गरि बैंक खातामा पैसा पठाउन सकिने छ । जसका लागि क्युआर कोर्ड स्क्यान गर्नुहोस र फोन पे मार्फत पैसा ट्रान्फर गर्नुहोस ।
सिभिल बैंकले सिन्धुलीमाढीमा एक औपचारिक कार्यक्रमको आयोजना गरि क्युआर कोर्डबाट पैसा तिर्न सक्ने व्यवस्था लागु गरेको छ । जसको उद्घाटन राष्ट्रबैंकका गभर्नर महाप्रसाद अधिकारीले गरेका छन । उनले अटो चालक व्यवसायीलाई क्युआर कोर्ड कार्डको हस्तान्तरण गरि क्युआर कोर्ड प्रविधिको प्रयोग गरेका हुन ।
क्युआर कोर्डको प्रयोग अब मन्दिरमा जाँदा समेत गर्न पाईने भएको छ । कालिमाई मन्दिरमा पनि क्युआरकोर्डबाट मन्दिर व्यवस्थापन समितिको खातामा मन्दिरको भेटि बापतको पैसा हाल्न सकिने भएको छ । गभर्नर अधिकारी तथा सिभिल बैंकका कार्यकारी निर्देशक गोविन्द गुरुङले मन्दिरको भेटि पनि क्युआर कोर्ड मार्फत गरेका छन ।
यस्तै फलफूल पसलमा समेत क्युआर कोर्डको प्रयोग गरि सिन्धुलीको जुनार खरिद गरिएको छ । बैंकले सवारी साधनमा पहिलोपटक सिन्धुलीको कमलामाई नगरपालिकाबाट क्युआर कोर्डको प्रयोग गरेको हो । यो कोर्ड पहिलो चरणमा ७६ वटा अटोमा सुरु गरिएको छ । विस्तारै सबै अटोमा यो कोर्ड लागु हुने सिविल बैंक सिन्धुलीले जनाएको छ ।
गो क्यासलेस, सुभारम्भ कार्यक्रममा बोल्दै गभर्नर अधिकारीले क्युआरकोर्डको प्रयोगमार्फत क्यासलेस गर्ने प्रविधिको सुरुवात मात्र नभई निरन्तरता दिन आग्रह गरेका छन । उनले नेपालमा हरेक वर्ष सवा ६ अर्व नगद छपाई गर्नुपरेको बताउँदै नगद छाप्ने पैसा जोगिने, नेपालको पैसा विदेश नजाने, हराउने, चोरीने डर नहुने र विभिन्न संक्रामक रोगको जोखिम नहुनुका साथै दैनिक जीवन सहज हुने भएको यो प्रविधि प्रभावकारी रहेको बताए ।
अधिकारीले यो कोर्डको प्रयोग हरेक सार्वजनिक सेवामा लागु हुनुपर्नेमा जोड दिएका छन । उनले भनेका छन, ‘अटोमा क्युआरकोर्ड प्रयोग गर्दा पेट्रोल पम्पमा पनि आवश्यक हुन्छ, राज्य, व्यक्ति, पसल, व्यवसाय सबैको लागि यो प्रविधि सहज छ ।’ उनले विद्युतिय कारोबारले नोटको सर्कुलेसन रोक्न सहयोग पुग्ने बताउँदै देशको बाहिर जानबाट रोकिने बताएका छन ।
क्युआर कोर्डमा प्रवेश गरेका व्यवसायीलाई दैनिक व्याज दिने समेत व्यवस्था बैंकले व्यवस्था गरेको छ । यसले व्यवसायीको कारोवार समेत पारदर्शि हुने र ऋण लगानी गर्न समेत सहज हुने बैंकका कार्यकारी निर्देशक गोविन्द गुरुङले बताएका छन ।
