सिन्धुली । सिन्धुलीमा नेकपा (प्रचण्ड माधव) पक्षले गरेको आन्दोलनको प्रभाव परेको छ । बन्दका कारण जिल्लाका मुख्य सडक, यातायात, बजार क्षेत्र र स्कुलहरुमा परेको छ । जिल्लाका सबै नीजि तथा सार्वजनिक विद्यालय बन्द रहे भने मुख्य बजार क्षेत्रहरु बन्द रहे । विपी राजमार्गको सिन्धुलीमाढी, सुनकोशी गाउँपालिकाको रामटार, दुम्जा लगाएतका क्षेत्रमा आन्दोलनकारीहरुले सडक अवरुद्ध गरे ।
आम हड्तालका कारण जिल्लाको जनजीवन प्रभावित भएको छ । क्याम्पसका परीक्षा नियमित सञ्चालन भए पनि लोकसेवाको जाँच दिन हेटौडा जानेहरुलाई भने समस्या भएको विद्यार्थीहरुले बताए ।
आन्दोलनको नेतृत्व जिल्लाका जनप्रतिनिधिहरुले गरेका छन । विघटित प्रतिनिधिसभाका सदस्य, बाग्मति प्रदेशसभा सदस्यहरु, गाउँपालिकाका प्रमुखहरु लगाएतले ठाउँ ठाउँमा गरिएका अवरोधको नेतृत्व गरे ।
सरकारले गरेको संवैधानिक नियुक्तिको विरोधमा नेकपा (प्रचण्ड माधव) पक्षको बन्दले जनजीवन प्रभावित भयो । कोरोना कहरका बाबजुद भर्खर चलेका स्कुल, क्याम्पस, व्यवसायमा बन्दले ठूलो असर गरेको व्यवसायीहरुले बताए ।
बन्दकर्ताले सदरमुकाम सिन्धुलीमाढीमा ¥याली तथा कोणसभा गरेका छन । उनीहरुले असंवैधानिक तरिकाले सरकारले गरेको संवैधानिक निकायको नियुक्तिको खारेजीको माग गरे ।
