सिन्धुली । नेपाल पत्रकार महासंघ सिन्धुलीले सिन्धुली जिल्लाका अग्रज पत्रकारहरुलाई सम्मान गर्ने भएको छ । माघ १९ गते हुने महासंघको १५ औं साधारणसभा तथा एघारौं अधिवेशनका अवसरमा जिल्लाका अग्रज पत्रकारहरुलाई सम्मान गर्ने भएको हो ।
सिन्धुली जिल्लामा जन्मेर नेपाल पत्रकार महासंघको केन्द्रीय अध्यक्ष भईसकेका पत्रकारहरु हरिहर विरहि, सुरेश आचार्य, नेपाल पत्रकार महासंघका केन्द्रीय सदस्य द्वारिका काफ्ले, आदिवासी जनजाती पत्रकार महासंघ (फोनिज) का केन्द्रीय अध्यक्ष डण्ड गुरुङ लगाएतका पत्रकारलाई सम्मान गर्ने भएको हो । यस्तै महासंघका प्रदेश सचिव राजन गाउँले, अकोरावका केन्द्रीय सदस्य टिकाजंग थापा, अकोरावका बाग्मति प्रदेश अध्यक्ष कृष्णहरि घिमिरे लगाएतका पत्रकारहरुलाई सम्मान गर्ने भएको हो ।
बुधबार सिन्धुलीमाढीमा बसेको महासंघ जिल्ला कार्यसमितिको बैठकले शाखाका पूर्व अध्यक्षहरु शेषराज दाहाल, लिलानाथ घिमिरे, गणेश काफ्ले, शंकर सौगात, राजकुमार कार्की, सञ्जय कुमार दाहाल, श्यामहरि अधिकारी, मिनकुमार दाहाललाई पनि सम्मान गर्ने निर्णय गरेको छ ।
यस्तै शाखालाई सहयोग गर्ने कमलामाई नगरपालिका, कमलामाई नगरपालिका वडा नं. ५ र ६ को कार्यालय र समाजसेवी उज्जलविक्रम थापालाई सम्मान गर्ने भएको महासंघका सचिव विदुर पौडेलले बताए । बैठकले अधिवेशन तयारीका लागि विभिन्न समितिहरु बनाई कामको बाँडफाँड समेत गरेको छ ।
