सिन्धुली । सिन्धुलीमा ९७ लाखमा आईसोलेसन भवन बन्ने भएको छ । सामाजिक विकास मन्त्रालय वाग्मति प्रदेशको आर्थिक सहयोगमा आइसोलेसन भवन बनाइने भएको हो । बुधबार सिन्धुलीमाढीमा पचास वेडको आइसोलेसन भवन बनाउने तयारीका लागि बसेको बैठकले निर्माण समिति र अनुगमन समितिको निर्माण गरेको छ ।
सिन्धुली अस्पताल विकास समितिका अध्यक्ष प्रलाद पोखरेलको अध्यक्षतामा बसेको बैठकले नेपाल रेडक्रस सोसाईटी सिन्धुलीका सभापति अशोक श्रेष्ठको अध्यक्षतामा निर्माण उपभोक्ता समिति गठन गरेको हो ।
समितिमा अमरेश चन्द्र बैदार (सिन्धुली उवासंघ), तुल्सीराम श्रेष्ठ –निर्माण व्यवसायी संघ), उज्जल कुमार थापा (वडाध्यक्ष कनपा ६), उद्धव प्रसाद दाहाल (निर्माण व्यवसायी), रामजी काफ्ले (सिद्धेश्वर खानेपानी), गोमा कुमारी प्रधान (वडा सदस्य कनपा ६), मेनुका तिमल्सिना (समाजसेवी) र सिता सत्याल (समाजसेवी) रहेका छन ।
यस्तै भवन निर्माणमा अनुगमन गर्नका लागि अनुगमन समिति समेत गठन गरिएको छ । प्रदेश सभा सदस्यहरु लेखनाथ दाहाल (राजन), विनोद कुमार खड्का, प्रदीप कटुवाल, बुद्धिमान माझी, जिल्ला समन्वय समितिका प्रमुख शंकर राज बर्मा तिवारी, कमलामाई नगरपालिकामा मेयर खड्ग खत्री, प्रमुख जिल्ला अधिकारी योगेन्द्र प्रसाद पाण्डे, सिन्धुली अस्पताल विकास समितिका अध्यक्ष प्रलाद कुमार पोखरेल, नेपाली कांग्रेसका उज्जल प्रसाद बराल, नेकपाका सूर्य पाख्रिन, जनता समाजवादी पार्टीका मोदनाथ तिमल्सिना, नेपाल पत्रकार महासंघका राजन कार्की रहेका छन ।
भवनका लागि स्टमेट भईरहेको र काम तत्काल सुरु हुने निर्माण समितिका संयोजक अशोक श्रेष्ठले बताएका छन । उक्त भवन कमलामाई नगरपालिका वडा नं. ६ शिवनगरमा बन्ने भएको छ ।
