थप तीनजनाले जिते कोरोना

सिन्धुली । सिन्धुली अस्पतालमा उपचाररत थप ३ जनाले सोमबार कोभिड १९ जितेर घर फर्केका छन । यो सँगै सिन्धुली अस्पतालबाट ६ जनाले कोरोना जितेर डिस्चार्ज भएका छन ।
सोमबार कमलामाई ७ का २५ वर्षिय अर्जुन लुंगेली, कमलामाई नगरपालिका १० का १८ वर्षिय अजय सुनुवार र दुधौली नगरपालिका वडा नं. १० का ४८ वर्षिय मुकुन्द काफ्ले कोभिड १९ निको भएर घर फर्के ।
सिन्धुली अस्पतालले उनीहरुलाई सोमबार फूलमाला सहित विदाई गरेको छ । अस्पताल विकास समितिका अध्यक्ष प्रलाद कुमार पोखरेल तथा अस्पतालका चिकित्सक, स्वास्थ्यकर्मीले उनीहरुको विदाई गरेका हुन ।
अस्पतालले उनीहरुलाई कोरोना जितेर घर फर्केकोमा बधाई समेत दिएको छ । सिन्धुली अस्पतालमा उपचाररत ५ जना मध्ये ३ जना निको भएर गएपछि अब २ जना संक्रमितहरु अस्पतालको आइसोलेसनमा उपचाररत रहेका छन । यसअघि ३ जना निको भएर घर गईसकेका छन ।

Advertisement. Scroll to continue reading.