सिन्धुली । जिल्ला प्रशासन कार्यालय सिन्धुलीले गणतन्त्र दिवस तीन दिन घरमै दिपावली गरि मनाउन अनुरोध गरेको छ ।
कोभिड १९ को जोखिमका कारण सार्वजनिक कार्यक्रम हुन नसक्ने भएकाले जिल्ला बासीलाई बुधबार, विहिबार र शुक्रबार साँझ घरमै दीपावली गरि मनाउन आग्रह गरेको हो । बुधबार सार्वजनिक सूचना जारी गरि प्रशासनले सबै जिल्ला बासी उक्त अनुरोध गरेको हो ।
जिल्ला प्रशासन कार्यालय सिन्धुलीका सहायक प्रमुख जिल्ला अधिकारी रिद्धि प्रकाश सिटौलाले जारी गरेको सूचनामा जेठ १४, १५ र १६ गते साँझ सबैलाई दिपावली गर्न अनुरोध गरेका हुन । उक्त सूचनामा सबैलाई सुरक्षित रहन र कोभिड १९ नियन्त्रणमा सहयोग गर्न अनुरोध समेत गरिएको छ ।
फेसबुक मार्फत प्रतिकिया दिनुहोला
Advertisement. Scroll to continue reading.
